කොවිඩ් ආසාදිත තවත් මරණ 03 ක්…. සමස්ත මරණ සංඛ්‍යාව 99 දක්වා ඉහළට ….

කොවිඩ් ආසාදිත තවත් මරණ 03 ක්…. සමස්ත මරණ සංඛ්‍යාව 99 දක්වා ඉහළට ….

කොවිඩ් ආසාදිත තවත් මරණ 03 ක්…. සමස්ත මරණ සංඛ්‍යාව 99 දක්වා ඉහළට ….

කර්තෘ Staff writer

27 Nov, 2020 | 7:27 am

COLOMBO (News 1st) – කොරෝනා ආසාදිතව තවත් පුද්ගලයින් 03 දෙනෙකු මිය ගොස් තිබේ.

රජයේ ප්‍රවෘත්ති දෙපාර්තමේන්තුව සඳහන් කළේ , කොළඹ 08 ප්‍රදේශයේ පදිංචි 87 හැවිරිදි පිරිමි පුද්ගලයෙකු කොළඹ ජාතික රෝහලේදී ඊයේ ( 26) මිය ගොස් ඇති බවයි.

කොවිඩ් ආසාදනය සමග බැක්ටීරියා ආසාදනයක් සහ නිදන්ගත පෙනහළු රෝගයක් උත්සන්න වීම මරණයට හේතු වී තිබේ .

බම්බලපිටිය ප්‍රදේශයේ පදිංචි 80 හැවිරිදි පිරිමි පුද්ගලයෙකු ද පසුගිය 25 වැනිදා මුල්ලේරියාව මූලික රෝහලේදී මිය ගොස් ඇතැයි රජයේ ප්‍රවෘත්ති දෙපාර්තමේන්තුව පවසයි.

මරණයට හේතුව අධික රුධිර පීඩනය , නිව්මෝනියාව සහ කොවිඩ් ආසාදනය සමග ඇති වූ හෘදයාබාධයකි.

පෑලියගොඩ ප්‍රදේශයේ පදිංචි 73 හැවිරිදි කාන්තාවක් ද අධික රුධිර පීඩනය , දියවැඩියාව සහ කොවිඩ් ආසාදනය සමග ඇතිවූ ආඝාත තත්ත්වයක් හේතුවෙන් පසුගිය 23 වැනිදා කොළඹ ජාතික රෝහලේදී ජීවිතක්ෂයට පත්ව තිබේ.

ඒ අනුව මෙරටින් වාර්තාවන සමස්ත කොරෝනා මරණ සංඛ්‍යාව 99 දක්වා ඉහළ යනු ඇති.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]