මන්ත්‍රී රිෂාඩ් ඇප මත මුදා හැරේ

COLOMBO (News 1st) : රක්ෂිත බන්ධනාගාරගත කර සිටි පාර්ලිමේන්තු මන්ත්‍රී රිෂාඩ් බදියුදීන් මහතා අද ඇප මත මුදා හැරිණ. ඒ රුපියල් ලක්ෂයක මුදල් ඇප හා ලක්ෂ 10 ක ශරීර ඇප 2 ක් මතයි. රටපුරා හා බන්ධනාගාර තුළ කොවිඩ් 19 වසංගත තත්ත්වය පැතිර යාම සුවිශේෂී කරුණක් ලෙස සලකා එම සැකකරුට ඇප ලබාදෙන ලෙස ජනාධිපති නීතිඥ අනිල් සිල්වා මහතා කළ කරුණු දැක්වීම සලකා බැලූ මහේස්ත්‍රාත්වරයා විදේශගතවීම වළක්වන නියෝගයක් පනවා විදේශ ගමන් බලපත්‍රය අධිකරණයට බාරදීමේ ඇප කොන්දේසියට යටත්ව ඇප නියෝගය නිකුත් කෙරිණ. පාර්ලිමේන්තු මන්ත්‍රී රිෂාඩ් බදියුදීන් මහතා රජයට අයත් රුපියල් ලක්ෂ 95 කට අධික මුදලක් සාපරාධී සාවද්‍ය පරිහරණය සම්බන්ධයෙන් සැකපිට අත්අඩංගුවට ගෙන රක්ෂිත බන්ධනාගාරගත කර සිටියේ ය.