මෙරට කොරෝනා මරණ සංඛ්‍යාව 90 දක්වා ඉහළට

මෙරට කොරෝනා මරණ සංඛ්‍යාව 90 දක්වා ඉහළට

මෙරට කොරෝනා මරණ සංඛ්‍යාව 90 දක්වා ඉහළට

කර්තෘ Staff writer

24 Nov, 2020 | 7:53 am

COLOMBO (News 1st) – තවත් කොරෝනා මරණ 03 ක් ඊයේ (23) දිනයේදී වාර්තා විය.

ඉන් දෙ⁣දෙනෙක්ම කාන්තාවන් බව රජයේ ප්‍රවෘත්ති දෙපාර්තමේන්තුව නිවේදනය කළේය.

ඒ අනුව හෙයියන්තුඩුව ප්‍රදේශයේ පදිංචි 86 හැවිරිදි කාන්තාවක් IDH රොහලේ ප්‍රතිකාර ලබමින් සිටියදී මිය ගියාය.

ඒ, කොවිඩ් 19 ආසාදනය නිසා ඇති වූ උග්‍ර ආසාදන තත්ත්වයක් හේතුවෙනි.

කොළඹ 14 ප්‍රදේශයේ පදිංචි 60 හැවිරිදි අනෙක් කාන්තාව හෘදයාබාධයක් හේතුවෙන් කොළඹ ජාතික රෝහලේ ප්‍රතිකාර ලබමින් සිටියදී මියගොස් තිබේ.

හෘදයාබාධය සහ කොඩිඩ් 19 ආසානය ඊට හේතුව බව රජයේ ප්‍රවෘත්ති දෙපාර්තමේන්තුව පැවසුවේය.

ඊයේ මිය ගිය අනෙක් ආසාදිතයා කොළඹ 15 ප්‍රදේශයේ පදිංචි 60 හැවිරිදි පිරිමි අයෙකි.

කොළඹ ජාතික රොහලේදී කොරෝනා ආසාදිතයෙකු ලෙස හඳුනා ගැනීමෙන් පසු හෝමාගම මූලික රෝහලට ඔහු ඇතුළත් කර තිබේ.

එහි දැඩිසත්කාර ඒකකයේ ප්‍රතිකාර ලබමින් සිටියදී ඔහු මිය ගියේ කොරෝනා ආසාදනය වීම නිසා ඇති වූ ලේ විසවීමකිනි.

ඒ අනුව මෙරටින් වාර්තා වන සමස්ත කොරෝනා මරණ සංඛ්‍යාව 90 දක්වා ඉහළ ගිය බව රජයේ ප්‍රවෘත්ති දෙපාර්තමේන්තුව නිවේදනය කළේය.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]