කොරෝනා ආසාදිතයින් ගණන 12187ක් දක්වා ඉහළට

කොරෝනා ආසාදිතයින් ගණන 12187ක් දක්වා ඉහළට

කොරෝනා ආසාදිතයින් ගණන 12187ක් දක්වා ඉහළට

කර්තෘ Staff writer

05 Nov, 2020 | 6:23 am

COLOMBO (News 1st) : මෙරට කොරෝනා ආසාදිතයින් සංඛ්‍යාව 12187 දක්වා ඉහළ ගොස් තිබේ.

ඒ ඊයේ දිනයේ නව කොරෝනා ආසාදිතයින් 443 දෙනෙකු හඳුනා ගැනීමත් සමගයි.

ඔවුන් දිවුලපිටිය හා පෑලියගොඩ කොරොනා පොකුරුවලින් වාර්තා වන අතර එම පොකුරේ සමස්ත ආසාදිතයින් සංඛ්‍යාව 8709 ක් බව රජයේ ප්‍රවෘත්ති දෙපාර්තමේන්තු සඳහන් කළේ ය.

වෛරසය ආසාදිතව රෝහල්වල සිටින සංඛ්‍යාව 6305කි.

ඊයේ කොරෝනා ආසාදිතයින් 277 දෙනෙකු සුවය ලැබීමත් සමග මෙරට සුවය ලැබු සමස්ත රෝගීන් සංඛ්‍යාව 5858 ක් වේ.

මේ අතර මෙරට 24 වන කොරෝනා ආසාදිත මරණය ඊයේ වාර්තා විය.

එලෙස මියගියේ 79 හැවිරිදි කොළඹ 13 ප්‍රදේශයේ කාන්තාවකි.

සිය නිවසේදී මියගොස් ඇති එම කාන්තාවගේ පශ්චාත් මරණ පරික්ෂණයේදී හෙළි වී ඇත්තේ ඇයට කොරොනා ආසාදනය වී ඇති බවයි.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]