පසුගිය වසරට සාපෙක්ෂව වී නිෂ්පාදනය 9.7% කින් ඉහළට

COLOMBO (News 1st) : කොරෝනා වසංගතය හමුවේ වුව ද මේ වසරේ වාර්තාගත -වී- අස්වැන්නක් ලැබී ඇතැයි, රජය පවසයි. රජයේ නිල සංඛ්‍යා ලේඛනවල දැක්වෙන්නේ, 2019 වසරට සාපෙක්ෂව මේ වසරේ වී නිෂ්පාදනය 9.7% කින් ඉහළ ගොස් ඇති බවයි. ජන හා සංඛ්‍යාලේඛන දෙපාර්තමේන්තුවේ දත්තවලට අනුව 2020 වසරේ මෙරට වී නිෂ්පාදනය මෙට්‍රික් ටොන් මිලියන 5037ක් වේ. එය 2019 වසරට සාපේක්ෂව 9.7%ක ඉහළ යාමකි. 2018 වසරට සාපේක්ෂව සැලකූ විට මෙම වැඩිවීම 28.2% ක් වේ. මේ වසරේ වී අස්වැන්න 2017 වසරට සාපේක්ෂව 111%කින් ඉහළ ගොස් ඇති අතර එය එම වසරට සාපෙක්ෂව නිෂ්පාදනය දෙගුණ වීමකි. බැසිල් රාජපක්ෂ මහතාගේ මූලිකත්වයෙන් ක්‍රියාත්මක ආර්ථික පුනර්ජීවනය පිළිබඳ ජනාධිපති කාර්යය සාධක බලකාය මගින් සෞභ්‍යා අහාර නිෂ්පාදන වැඩපිළිවෙළ අධීක්ෂණය කරමින් ක්‍රියාත්මක වේ.