නිව් ඩයමන් නෞකාවේ කපිතාන් හා කාර්ය මණ්ඩල සාමාජිකයෙකු බේරා ගැනේ

COLOMBO (News 1st) : සංගමන් කන්දට ඔබ්බෙන් වු මුහුදේ අනතුරට ලක්ව ඇති නිව් ඩයමන් නමැති බොරතෙල් නෞකාවේ කපිතාන්වරයා සහ තවත් කාර්ය මණ්ඩල සාමාජිකයෙකු නාවික හමුදාව විසින් මීට ටික වේලාවකට පෙර බේරා ගෙන තිබේ. නාවික හමුදා ප්‍රකාශක , කැප්ටන් ඉන්දික ද සිල්වා මහතා පැවසුවේ, ඔවුන් දෙදෙනා කඩිනමින් ගොඩබිම වෙත රැගෙන ඒමට නියමිත බවයි. මෙම සහන මෙහෙයුමට දායකවීම සඳහා දිවයිනට පැමිණ තිබූ රුසියානු යුද නෞකා දෙකක් ද මේ වනවිට පිටත්ව යමින් ඇතැයි, නාවික හමුදා ප්‍රකාශකවරයා සඳහන් කළේ ය. ඒ මෙරට රුසියානු තානාපති කාර්යාලය ලබාදුන් අනුමැතියට අනුවයි. එම යුද නෞකා දෙකක මීට දින තුනකට පෙර හම්බන්තොට වරායට පැමිණි අතර, අද දිනයේ දිවයිනෙන් පිටත්වයාමට නියමිතව තිබිණ.