කුරුණෑගල නගරාධිපති ඇතුළු 5 දෙනාගෙන් අධිකරණයට මෝසම් 5ක්

COLOMBO (News 1st) : අභියාචනාධිකරණය ඊයේ දුන් අතුරු නියෝගයට අනුව කුරුණෑගල නගරාධිපතිවරයා ඇතුළු පස් දෙනා අද උදෑසන කුරුණෑගල මහේස්ත්‍රාත් අධිකරණයට මෝසම් 5 ක් ඉදිරිපත් කරමින් පෙනී සිටියේ ය. කුරුණෑගල මහේස්ත්‍රාත්වරයා පැවසුවේ මහේස්ත්‍රාත් අධිකරණයේ රෙජිස්ටාර්වරයා හරහා මේ බව අභියාචනාධිකරණයට දැනුම් දීමට කටයුතු කරන බවයි. කුරුණෑගල ඉපැරණි රාජ සභා මණ්ඩපයට හානි කිරීම සම්බන්ධ නඩුව කලින් දින ලබා දී තිබු සැප්තැම්බර් 4 වන දින යළි කැඳවීමට නියමිතයි. නගරාධිපතිවරයා ඇතුළු පස්දෙනෙකු අභියාචනාධිකරණයේ ගොනු කළ පෙත්සම සලකා බලමින් නඩු විභාගය අවසන්වන තෙක් ඔවුන් අත්අඩංගුවට ගැනීමේ වරෙන්තු නියෝගය නිකුත්කිරීම වලක්වමින් ඊයෙ අතුරු තහනම් නියෝගයක් නිකුත් කෙරිණ.