හෙරොයින් සමග ඇල්ලූ මහ නගර සභා වැඩ පරීක්ෂක රිමාන්ඩ්

COLOMBO (News 1st) : හෙරොයින් සමග අත්අඩංගුවට ගත් කොළොන්නාව නගර සභාවට අනියුක්තව සේවය කළ කොළඹ මහ නගර සභාවේ වැඩ පරීක්ෂකවරයෙකු වන ජගත් ජයලාල්, ලබන 8 දා රක්ෂිත බන්ධනාගාරගත කෙරිණ. ඒ සැකකරු අද කොළඹ අතිරේක මහේස්ත්‍රාත් ප්‍රියන්ත ලියනගේ මහතා හමුවට ඉදිරිපත් කිරීමෙන් අනතුරුවයි. සැකකරු පසුගිය දා පාදුක්ක පොලීසිය විසින් අත්අඩංගුවට ගනු ලැබුවේ, හෙරොයින් කිලෝග්රෑම් 1කට අධික ප්‍රමාණයක් සමගයි. සැකකරු, අද දින දක්වා රඳවාගෙන ප්‍රශ්න කර විමර්ශන කිරීමට කොළඹ අතිරේක මහේස්ත්‍රාත් අධිකරණය පසුගිය 18 දා පාදුක්ක පොලීසියට අවසර ලබා දී තිබිණ.