අංගොඩ ලොක්කාගේ ප්‍රධාන වෙඩික්කරු පොලිස් වෙඩි පහරින් මරුට

COLOMBO (News 1st) : අංගොඩ ලොක්කා නමැති අපරාධ කල්ලි නායකයාගේ කණ්ඩායමේ ප්‍රධාන වෙඩික්කරුවෙකු වන අසිත හේමතිලක හෙවත් 'සෝල්ටා' පොලිස් වෙඩි පහරින් ජීවිතක්ෂයට පත්ව තිබේ. මුල්ලේරියාව වැලිවිට ප්‍රදේශයේදී පොලීසියට අත්බෝම්බ ප්‍රහාරයක් එල්ල කිරිමේදී පොලීසිය කළ ප්‍රතිප්‍රහාර හමුවේ මොහු ජීවිතක්ෂයට පත්විය. සෝල්ටා මීට පෙර මත්ද්‍රව්‍ය ජාවාරමක් සම්බන්ධයෙන් බන්ධනාගාරගතව සිට ඇප මත නිදහස්ව සිටි අයෙකි. සැකකරු මනුෂ්‍ය ඝාතන රැසකට අදාළව අවශ්‍යව සිටි සැකකරුවෙකු බවට ද වාර්තා වේ.