කුරුණෑගල නගරාධිපති ඇතුළු සැකකරුවන් අත්අඩංගුවට ගැනීමට විශේෂ පොලිස් කණ්ඩායම් 6 ක්

කුරුණෑගල නගරාධිපති ඇතුළු සැකකරුවන් අත්අඩංගුවට ගැනීමට විශේෂ පොලිස් කණ්ඩායම් 6 ක්

කුරුණෑගල නගරාධිපති ඇතුළු සැකකරුවන් අත්අඩංගුවට ගැනීමට විශේෂ පොලිස් කණ්ඩායම් 6 ක්

කර්තෘ Staff writer

11 Aug, 2020 | 8:24 am

COLOMBO (News 1st) – වරෙන්තු නිකුත්කර ඇති කුරුණෑගල නගරාධිපති තුෂාර සංජීව විතාරණ ඇතුළු සැකකරුවන් 05 දෙනා අත්අඩංගුවට ගැනීමට විශේෂ කණ්ඩායම් 6 ක් යොදවා තිබේ.

ඒ, කොට්ඨාස භාර ජ්‍යෙෂ්ඨ පොලිස් අධිකාරිවරයාගේ අධීක්ෂණය යටතේය.

පොලීසිය පැවසුවේ, සැකකරුවන්ගේ දුරකතන විශ්ලේෂණ මගින් ද ඔවුන් රැඳී සිටින ස්ථාන පිළිබඳ තොරතුරු ලබා ගනිමින් ඇති බවයි.

කුරුණෑගල නගරාධිපතිවරයා ඇතුළු 5 දෙනෙකු අත්අඩංගුවට ගැනීම සඳහා පසුගිය 7 වැනි දා නිකුත් කළ වරෙන්තු නියෝගය කොට්ඨාසභාර පොලිස් අධිකාරිවරයා සහ වැඩ බලන පොලිස්පතිවරයා මගින් ක්‍රියාත්මක කිරීමට කුරුණෑගල ප්‍රධාන මහේස්ත්‍රාත් ධම්මික හේවාවසම් මහතා ඊයේ නියෝග කළේ ය.

සැකකරුවන් 5 දෙනාට විදේශගත වීම වලක්වමින් තහනම් නියෝගයක් නිකුත් කරන ලෙස ප්‍රධාන මහේස්ත්‍රාත්වරයා ඔවුනට අධිකරණය මගහැර සැඟවී සිටීමට රැකවරණය ලබාදී ඇති පුද්ගලයින් පිළිබඳව ද විශේෂ විමර්ෂණයක් සිදු කරන ලෙසට ද එහිදී වැඩිදුරටත් නියෝග කරනු ලැබුවේ ය.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]