COLOMBO (News 1st) – ඉන්දියාවේදී මියගිය ප්‍රදිප් සිං නැමති පුද්ගලයා අංගොඩ ලොක්කා නැමති මෙරට පාතාල නායකයා දැයි නිශ්චිතව තහවුරු කිරීමට ඩී.එන්.ඒ. පරීක්ෂණයක් සිදුකරන බව ටයිම්ස් ඔෆ් ඉන්ඩියා පුවත්පත වාර්තා කරයි.

තමිල්නාඩු ප්‍රාන්ත අපරාධ විමර්ශන ඒකකය සහ වෝහාරික විශේෂඥයින් මෙම ඩී.එන්.ඒ. පරීක්ෂණය සිදුකරමින් පවතී.

ඉන්දියාවේ කොයිම්බතූර්හි පෞද්ගලික රෝහලකදී සැකසහිත හෘදයාබාධයක් හේතුවෙන් ප්‍රදීප් සිං නමින් සැකසූ ව්‍යාජ හැදුනුම්පතකින් පෙනී සිටි පුද්ගලයා මියගොස් තිබේ.

අංගොඩ ලොක්කා හෙවත් චන්දන ලසන්ත පෙර්රා බවට ප්‍රකාශ වුණේ මෙම පුද්ගලයායි.

ඉන්දීය පොලිස් අපරාධ අංශයේ පොලිස් පරීක්ෂක කේ.ශන්කර් ටයිම්ස් ඔෆ් ඉන්ඩියා පුවත්පතට පවසා ඇත්තේ මේ වනවිට අංගොඩ ලොක්කා සම්බන්ධයෙන් වාර්තා රැසක් පලවී ඇති බැවින් මිය ගිය පුද්ගලයාගේ අනන්‍යතාවය තහවුරු කිරීම අත්‍යාවශ්‍ය කරුණක් බවය.

මේ අතර චන්දන ලසන්ත පෙරේරා හෙවත් අංගොඩ ලොක්කා යැයි සැකකෙරන පුද්ගලයාගේ ආදාහනය කරන ලද මළ සිරුරෙන් සාම්පල රැගෙන මේ වනවිට කොයිම්බතූර් වෛද්‍ය විද්‍යාල රෝහලේ පරීක්ෂණවලට යොමුකර තිබේ.

ප්‍රදීප් සිං නැමත්තාට විෂ ශරීරගත කර මරාදමන්නට ඇතැයි ඉන්දීය පොලිසිය මේ වනවිට සැක පල කරයි.

ඔහුට විෂ ශරීරගත කළැයි සැකකරන ශ්‍රී ලාංකික කාන්තාවක් සහ එම දෙදෙනාටම නීතී විරෝධ ලෙස ඉන්දියාවේ රැදී සිටිමට ව්‍යාජ ලේඛන සැකසූ පුද්ගලයෙකු සහ ඊට අනුබල දුන් නීතීඥවරියක් මේ වනවිට ඉන්දීය පොලිස් අත්අඩංගුවේ පසුවේ.

• තවත් කොරෝනා මරණ 02ක්..
• අටලුගමදී සෞඛ්‍ය නිලධාරීන්ට කෙළ ගැසූ පුද්ගලයාට වසර 6 ක සිර දඬුවම්..
• තවත් කොරෝනා ආසාදිතයින් 337ක්
• ග්‍රාම නිලධාරී වසම් 11ක හුදකලාබව ඉවතට
• තවත් ග්‍රාම නිලධාරී වසමක් Lockdown
• අක්ෂි රෝහලට එන්න කලින් අනිවාර්යෙන් ඇමතුමක් දෙන්න
• CID හිටපු අධ්‍යක්ෂ ශානි යළි රිමාන්ඩ්..
• ”ලෝකය අපි දිහා බලං ඉන්නවා..” – ජෝ බයිඩ්න්
• කෑගල්ලේ පැණි පෝලිම යළි රැස්වෙයි..
• ලසිත් මාලිංග ලීග් ක්‍රිකට් තරගවලින් සමුගනී