කහ කිලෝ 1000ක් සමග සැකකරුවෙක් නාවික හමුදා අත්අඩංගුවට

COLOMBO (News 1st) : මුහුදු මාර්ගයෙන් නීති විරෝධීව මෙරටට ගෙන්වන ලද කහ කිලෝග්‍රැම් දහසක් සමග සැකකරුවෙකු මන්නාරම , ඕලුතුඩුවායි ප්‍රදේශයේදී නාවික හමුදා අත්අඩංගුවට ගෙන තිබේ. නාවික හමුදා ප්‍රකාශක කැප්ටන් ඉන්දික ද සිල්වා මහතා සඳහන් කළේ , වෙරළ තීරයේ සිට කරත්තයක දමා ප්‍රවාහනය කිරීමට සුදානම් කර තිබියදී පා මුර සංචාරයේ යෙදුණු නාවික හමුදා භට පිරිසක් ඔහු අත්අඩංගුවට ගෙන ඇති බවයි. ගෝනි 20 ක අසුරා තිබියදී මෙම කහ තොගය සොයාගෙන තිබේ. නාවික හමුදා ප්‍රකාශකවරයා සහඳන් කළේ, කහ තොගය සමග සිය භාරයට පත් පුද්ගලයා නිරෝධායනය සඳහා මන්නාරම මහජන සෞඛ්‍ය පරීක්ෂකවරයා වෙත භාර දුන් බවයි. කහ තොගය යාපනය රේගු කාර්යාලය වෙත භාර දී තිබේ.