COLOMBO (News 1st) – 1 සිට 10 ශ්‍රේණිය දක්වා සිසුන්ට අගෝස්තු 10වැනිදා පාසල් ආරම්භ කරන බව අධ්‍යාපන අමාත්‍ය ඩලස් අලහප්පෙරුම මහතා පවසයි.

ඔහු මේ බව පැවසුවේ, අධ්‍යාපන අමාත්‍යංශයේදී අද පැවති මාධ්‍ය හමුවකදී ය.

අධ්‍යාපන රාජ්‍ය අමාත්‍යාංශයේ ලේකම් රංජිත් චන්ද්‍රසේකර මහතා පැවසුවේ, 6,7,8,9 ශ්‍රේණි සඳහා පාසල් වේලාව පෙරවරු 7.30 සිට පස්වරු 1.30 දක්වා වන අතර 10, 11, 12 සහ 13 ශ්‍රේණිවලට පාසල් වේලාව පෙරවරු 7.30 සිට පස්වරු 3.30 දක්වා බවයි.

තව ද සියලු ගුරුවරු සාමන්‍ය පරිදි තම තමන්ගේ පාසල්වලට වාර්තා කළ යුතු අතර සියලුම ගුරුවරුන් පස්වරු 3.30 තෙක් පාසලේ රැඳි සිටීමට අවශ්‍ය නොවන බව ද අධ්‍යාපන රාජ්‍ය අමාත්‍යාංශ ලේකම් රංජිත් චන්ද්‍රසේකර මහතා සඳහන් කළේය.

පස්වරු 1.30 සිට පස්වරු 3.30 දක්වා කාලසටහන හිමි ගුරුවරුන් පමණක් පාසලේ රැඳි සිටිය යුතු වේ.

අධ්‍යාපන රාජ්‍ය අමාත්‍යාංශයේ ලේකම් රංජිත් චන්ද්‍රසේකර මහතා පැවසුවේ, මෙම වැඩපිළිවෙළ ඔක්තෝබර් 09 වැනි දා දක්වා ක්‍රියාත්මක වන බවයි.

මේ අතර ළමුන් 200 ට වඩා අඩු ප්‍රාථමික අංශ තිබෙන පාසල්වල දරුවන් පැමිණිය යුතු ආකාරය පිළිබඳව ද රංජිත් චන්ද්‍රසේකර මහතා අදහස් පළ කළේය.

”ශිෂ්‍ය සංඛ්‍යව 200 අඩු මීටරයක පරතරය තියාගෙන පවත්වන්න පුළුවන් සියලු පාසල්වල සියුලම ශ්‍රේණිවල සිසුන් අපි 10 වැනි දා පාසලට කැඳවනවා.ඒ අනුව 200 ට වඩා ළමුන් ඉන්න පාසල්වල ප්‍රාථමික අංශය සඳුදා දින 1 ශ්‍රේණියත් 05 වන ශ්‍රේණියත්, අඟහරුවාදා දින 02 ශ්‍රේණියත් 05 වන ශ්‍රේණියත්, බදදා දින තුන්වන ශ්‍රේණියත් 05 වන ශ්‍රේණියත්, බ්‍රහස්පතින්දා දින 04 වන ශ්‍රේණියත් 05 වන ශ්‍රේණියත් සිකුරාදා 04 වන ශ්‍රේණියත් 05 වන ශ්‍රේණියත් කැඳවනවා. 1, 2 , 3 ශ්‍රේණි සඳහා සතියකට එක දවසයි පාසලට කැඳවන්නේ ඔවුන්ගේ ඉතිරි දවස් 04 ඔවුන් සඳහා ගෙදරදී කරන්න පුළුවන් නිර්මාණාත්මක වැඩකටයුතු පාසල් විසින් පවරනු ලබනවා”

• අද දිනට කොරෝනා ආසාදිතයින් 715ක්..
• තවත් කොරෝනා මරණයක්
• ඉන්දියාව කොරෝනා මර්දන එන්නත් දීම අරඹයි..
• ජෝ රූට් මෙන්ඩිස්ට කළ වැඩේ ගැන හැමෝම කතා කරයි..
• උපකාරක පන්ති ලබන 25 වැනිදා සිට: පන්ති පැවැත්විය හැකි නිර්දේශ මෙන්න..
• ඩොනල්ඩ් ට්‍රම්ප් යළිත් අමෙරිකාව කළඹන වැඩකට අතගසන ලකුණු?
• තවත් කොරෝනා රෝගීන් පිරිසක් සුවය ලබයි..
• කෙසෙල්ගමුව ඔයේ කාන්තා මළ සිරුරක්..
• ආදිවාසී ජනතාවගේ උන්නතිය වෙනුවෙන් ගම්මැද්දෙන් සුවිශේෂී පියවරක්..
• නගර සභා 2ක සභාපතිවරුන්ගේ සේවය අත්හිටුවයි