මෙරට දෙවන දිය යට කෞතුකාගාරයත් විවෘත වෙයි

මෙරට දෙවන දිය යට කෞතුකාගාරයත් විවෘත වෙයි

කර්තෘ Staff writer

10 Jul, 2020 | 8:18 pm

COLOMBO (News 1st) : මෙරට දෙවන දිය යට කෞතුකාගාරය අද නාවික හමුදාධිපති වයිස් අද්මිරාල් පියල් ද සිල්වා මහතා විසින් විවෘත කරනු ලැබී ය.

මෙම කෞතුකාගාරය ඉදි කර ඇත්තේ, ත්‍රීකුණාමලය සැන්ඩි බේ වෙරළ කේන්ද්‍ර කර ගනිමිනි.

එය අදාළ මුහුදු ප්‍රදේශයේ අඩි 60ක් පමණ ගැඹුරන් හා අඩි 150ක දිගකින් , අඩි 85ක පළලකින් පිහිටා ඇති අතර කිමිඳුම් හෝ පිහිණුම් කටයුතු කරන ඕනෑම පුද්ගලයෙකුට පහසුවෙන් නිරීක්ෂණය කළ හැකි පරිදි නිර්මාණය කර තිබේ.

නාවික හමුදාධිපතිවරයාගේ පූර්ණ අධීක්ෂණය යටතේ නාවික හමුදාවේ පූර්ණ දායකත්වයෙන් මෙම කෞතුකාගාරයේ ඉදිකිරීම් කටයුතු සිදු කෙරිණ.

කොරල් පර නැවත වර්ධනය කර ගැනීම, මත්‍ස්‍ය සම්පත වර්ධනය කර ගැනීම හා සංචාරකයින්ට කිමිඳුම් කටයුතු සිදු කිරීමේ අවස්ථාව හිමි වීම මෙ‍ම ව්‍යාපෘතිය මගින් අපේක්ෂිත අරමුණු ය.

කෙසේ වෙතත්  ව්‍යාපෘතිය ආරම්භ කිරීමෙන් පසු එහි මූලික අවධිය තුළ මෙම ප්‍රදේශයේ මසුන් මැරීම සඳහා ධීවර ප්‍රජාවට අවසර හිමි නොවේ.

තවද මෙවැනිම දිය යට කෞතුකාගාරයක් ඉදිරියේදී තංගල්ල ප්‍රදේශයේද ඉදි කිරීමට නාවික හමුදාව කටයුතු කරමින් සිටී.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]