English
தமிழ்
කර්තෘ Staff writer
ඒ, රවී කරුණානායක මහතා ඇතුළු සැකකරුවන් එම වරෙන්තු නියෝගය ක්‍රියාත්මක කිරීම වළක්වන රීට් ආඥාවක් නිකුත් කරන ලෙස ඉල්ලා අභියාචනාධිකරණය හමුවේ ගොනුකර ඇති පෙත්සම් සලකා බලමින් ය.
ඒ අනුව එම පෙත්සම් විභාග කර අවසන් කරන තුරු කොටුව මහේස්ත්‍රාත් අධිකරණය මගින් ලබාදුන් වරෙන්තු නියෝගය ක්‍රියාත්මක කිරීම අත්හිටුවීමට අභියාචනාධිකරණයේ ත්‍රිපුද්ගල විනිසුරු මඩුල්ල අද නියෝග කළේ ය.
පෙත්සම් කැඳවනු ලැබුවේ අභියාචනාධිකරණයේ සභාපති විනිසුරු ඒ.එච්.එම්.බී.නවාස් ශිරාන් ගුණරත්න සහ සෝභිත රාජකරුණා යන විනිසුරු මඩුල්ල හමුවේ ය.
මහ බැංකු බැඳුම්කර වෙන්දේසි දෙකකදී රුපියල් බිලියන 51.98 ක මුදලක් සාපරාධී ලෙස පරිහරණය කිරීම යන චෝදනාව යටතේ හිටපු මුදල් අමාත්‍ය රවී කරුණානායක මහතා ඇතුළු සැකකරුවන් 10 දෙනකු අත්අඩංගුවට ගැනීමට කොටුව මහේස්ත්‍රාත් අධිකරණය මෙම වරෙන්තුව නිකුත් කළේ ය.
කෙසේ නමුත් තම අධිකරණය විසින් අද දින නිකුත් කළ අතුරු තහනම් නියෝගය බැඳුම්කර වංචාව සම්බන්ධයෙන් සිදු කරන විමර්ශනවලට කිසිදු බාධාවක් නොවන බවත් අපරාධ පරීක්ෂණ දෙපාර්තමේන්තුව විසින් කැඳවනු ලබන ඕනෑම අවස්ථාවකදී මෙම සැකකරුවන් අපරාධ පරීක්ෂණ දෙපාර්තමේන්තුව හමුවට ගොස් විමර්ශන සඳහා අවශ්‍ය ප්‍රකාශ ලබාදිය යුතු බවත් අභියාචනාධිකරණය නියෝග කර සිටියේ ය.
අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]
