English
தமிழ்
කර්තෘ Staff writer
පොලීසිය පැවසුවේ මහනුවර, නවයාලතැන්න ප්‍රදේශයේ පදිංචි 16 හැවිරිදි සහ 17 හැවිරිදි තරුණියක සහ තරුණයෙකු මෙලෙස සියදිවි හානිකරගෙන ඇති බවයි.
අද පාන්දර 5.45ට පමණ මොවුන් දෙදෙනා නවයාලතැන්න දුම්රිය පාලම මතින් මහවැලි ගඟට පැන තිබේ.
මොවුන් දෙදෙනා පාසලේ 10 වන හා 11 වන ශ්‍රේණිවල ඉගෙනුම ලැබ ඇති අතර කලක සිට ප්‍රේම සබඳතාවයක් පවත්වා ගෙන ගොස් තිබේ.
පොලීසිය පැවසුවේ මෙම සිසුවිය හා සිසුවා ඊයේ සිට අතුරුදන්ව සිට ඇති අතර ඔවුන්ගේ දෙමාපියන් විසින් ඔවුන් සොයමින් සිට ඇති බවයි.
පසුව අද අලුයම කටුගස්තොට පොලීසියට පැමිණිලි කර ඇති අතර එහිදී ඔවුන් දෙදෙනා නවයාලතැන්න දුම්රිය පාලම අසළ සිටින බව දැන ගැනීමට ලැබී තිබේ.
දෙමාපියන් එම ස්ථානයට ළඟා වෙනවිටම දරුවන් දෙදෙනා මහවැලි ගඟට පැන්න බව මියගිය පිරිමි දරුවාගේ පියා පවසා තිබේ.
අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]
