by Staff writer 04-07-2020 | 6:06 PM
COLOMBO (News 1st) - දේශපාලන පක්ෂවලට පක්ෂග්රාහීව කටයුතු කරන පොලිස් නිලධාරීන්ට එරෙහිව නීතිමය පියවර ගන්නා බව මැතිවරණ කටයුතු භාර ජ්යෙෂ්ඨ නියෝජ්ය පොලිස්පති ප්රියන්ත වීරසූරිය මහතා පවසයි.
ඔහු සඳහන් කළේ, එවැනි නිලධාරීන්ට එරෙහිව විනයානුකූල ක්රියාමාර්ග ද ගන්නා බවය.
මැතිවරණ නීති කඩ කිරීම සම්බන්ධයෙන් මේ වනවිට පුද්ගලයින් 109 දෙනෙකු අත්අඩංගුවට ගෙන ඇතැයි ද ඔහු සඳහන් කළේය.
ඒ සම්බන්ධයෙන් ලැබී ඇති පැමිණිලි සංඛ්යාව 85 කි.
ඒ අතරින්, පැමිණිලි 29 ක් අපරාධ ගණයට අයත් වන බව ද ජ්යෙෂ්ඨ නියෝජ්ය පොලිස්පති ප්රියන්ත වීරසූරිය මහතා සඳහන් කළේය.
මැතිවරණ ප්රචාරක කටයුතුවලට යෙදවීමේ චෝදනාව මත පොලිස් භාරයට ගෙන ඇති වාහන සංඛ්යාව 27කි.