COLOMBO (News 1st): දිවයින පුරා බන්ධනාගාරවල කළ වැටලීම් වලින් ජංගම දුරකතන 1102 ක් සොයාගෙන තිබේ.

බන්ධනාගාර කොමසාරිස් ජනරාල් තුෂාර උපුල්දෙනිය මහතා පැවසුවේ, බන්ධනාගාර අධිකාරීවරුන්ගේ සහ ප්‍රධාන ජේලර්වරුන්ගේ මෙහෙයවීමෙන් වැටලීම් ක්‍රියාත්මක කළ බවය.

සිදු කළ වැටලීම්වලදී ජංගම දුරකතන සිම්පත් 688ක් සහ ජංගම දුරකතන බැටරි 1,310 ක් සොයාගත් බව බන්ධනාගාර කොමසාරිස් ජනරාල්වරයා සඳහන් කළේය.

වැඩිම ජංගම දුරකතන ප්‍රමාණයක් සොයාගෙන ඇත්තේ මීගමුව බන්ධනාගාරයෙනි.

එම සංඛ්‍යාව 277කි.

සිම්පත් 132 ක් සහ ජංගම දුරකතන බැටරි 286ක් ද සොයාගෙන තිබේ.

කොළඹ රිමාන්ඩ් බන්ධනාගාරයේ තිබී ජංගම දුරකතන 203 ක් සහ සිම්පත් 144 ක් සොයා ගත් බව උපුල්දෙනිය මහතා සඳහන් කළේය.

වැලිකඩ බන්ධනාගාරයෙන් සොයාගෙන ඇති ජංගම දුරකතන සංඛ්‍යාව 199 ක් වන අතර සිම්පත් සංඛ්‍යාව 125කි.

මැගසින් බන්ධනාගාරයෙන් ජංගම දුරකතන 133ක් සොයාගෙන ඇති අතර, සිම්පත් 108ක් ද සොයාගත් බව බන්ධනාගාර කොමසාරිස් ජනරාල්වරයා සඳහන් කළේය.

• “මම නැවතත් මේ ස්ථානයේ සිට මාධ්‍ය සාකච්ඡාවක් තියන්නේ නැහැ” – මැතිවරණ කොමිසමේ සභාපති
• තුනෙන් දෙක හදන ක්‍රම දන්නවා – අගමැති
• ප්‍රදිප් සිං වූණේ අංගොඩ ලොක්කාම ද?
• ඡන්දය ප්‍රකාශය කිරීමේ කාලය තුළ මැතිවරණ නීති උල්ලංඝණය කිරීම් 23 ක් – පොලීසිය
• ජනපති ජනතාවට තුති පුදයි…!
• පානදුරේදී ඡන්දය දාන්න ගිය පුද්ගලයෙකු හදිසි රෝගී තත්ත්වයකින් මිය යයි
• ඡන්ද විමසීම අතර සිදු වූ සුවිශේෂ සිදුවීම්…
• මහ මැතිවරණයේ ප්‍රකාශිත ඡන්ද ප්‍රතිශතය 70% ක් – මැතිවරණ කොමිසමේ සභාපති
• පළමු ඡන්ද ප්‍රතිඵලය හෙට පස්වරු 2.30ට – මැතිවරණ‌ කොමිසමේ සභාපති
• අද දිනයේ මේ දක්වා වාර්තා වූ කොරෝනා ආසාදිතයින් ගණන 4 ක් – රජයේ ප්‍රවෘත්ති දෙපාර්තමේන්තුව