හම්බන්තොට වරාය සංවර්ධනයට දැවැන්ත චීන සමාගමක් එක්වෙයි

හම්බන්තොට වරාය සංවර්ධනයට දැවැන්ත චීන සමාගමක් එක්වෙයි

හම්බන්තොට වරාය සංවර්ධනයට දැවැන්ත චීන සමාගමක් එක්වෙයි

කර්තෘ Staff writer

02 Jul, 2020 | 9:39 pm

COLOMBO (News 1st) : හම්බන්තොට වරාය සංවර්ධනය සඳහා ලොව පුරා වරාය මෙහෙයුම් සිදුකරන සුප්‍රකට සමාගමක් වන චීනයේ ෆුජියාන් ප්‍රොවින්ස් කොමියුනිකේෂන් ට්‍රාන්ස්පොටේෂන් ව්‍යාපාර සමූහය සහ ෆූජියාන් ට්‍රාන්ස්පෝර්ට් මැරිටයිම් සිල්ක් රෝඩ් ඉන්වෙස්ට්මන්ට් ඇන්ඩ් මැනේජ්මන්ට් සමාගම එක්වී තිබේ.

ඊට අදාළ කොටස් හුවමාරු ගිවිසුමට හම්බන්තොට ජාත්‍යන්තර වරාය ව්‍යාපාර සමූහයේ 85% ක කොටස් හිමි චයිනා මර්චන්ට් පෝර්ට් සමාගම පසුගියදා අත්සන් කර තිබේ.

මෙම කොටස් හුවමාරු ගනුදෙනුවේ වටිනාකම ඇමරිකානු ඩොලර් මිලියන 268කි.

එය දළ වශයෙන් රුපියල් බිලියන 51 කි.

සුප්‍රකට ෆුජියාන් ප්‍රාන්ත ව්‍යාපාර සමූහය දැනටමත් ලොවපුරා වරාය ගණනාවක බහලුම් මෙහෙයුම්, තෙල් ගබඩා කිරීම්, භාණ්ඩ ප්‍රවාහනය සහ ඇසුරුම් කිරීම ඇතුළු ව්‍යාපාරික කටයුතුවල නිරත දැවැන්ත සමාගමකි.

චයිනා මර්චන්ජ් පොර්ට් සමාගම හම්බන්තොට ජාත්‍යන්තර වරාය ව්‍යාපාර සමූහයේ ආයෝජනය කළ මුදල ඇමරිකානු ඩොලර් මිලියන 974කි.

චයිනා මර්චන්ට් සමාගමට අනුබද්ධ සමාගමක කොටස් 23% ක් පමණක් ෆුජියාන් ප්‍රාන්ත ව්‍යාපාර සමූහයට අලෙවිකර කර ඇති අතර ඒ මගින් ඔවුන් උපයා ඇති මුදල ඩොලර් මිලියන 268 කි.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]