ඊ-ඉඩම් ලියාපදිංචිය කඩිනම් කරන්නැයි ජනපතිගෙන් උපදෙස්

ඊ-ඉඩම් ලියාපදිංචිය කඩිනම් කරන්නැයි ජනපතිගෙන් උපදෙස්

ඊ-ඉඩම් ලියාපදිංචිය කඩිනම් කරන්නැයි ජනපතිගෙන් උපදෙස්

කර්තෘ Staff writer

30 Jun, 2020 | 10:06 pm

COLOMBO (News 1st) : ඉඩම් වංචා වැළැක්වීමට ඊ – ඉඩම් ලියාපදිංචිය කඩිනම් කරන්නැයි ජනාධිපති ගෝඨාභය රාජපක්ෂ මහතා උපදෙස් ලබා දී තිබේ.

ඒ අද පස්වරුවේ ජනාධිපති කාර්යාලයේ පැවැති සාකච්ඡාවකදීයි.

ජනාධිපති මාධ්‍ය අංශය පැවසුවේ ඉඩම් ලියාපදිංචියේදී සිදුවන වංචා නතර කිරීමට සහ ලියාපදිංචිය ක්‍රමවේදය වේගවත් කිරීමට ඊ ඉඩම් ලියාපදිංචිය කඩිනම් කරන ලෙස ජනාධිපතිතුමා නිලධාරීන් උපදෙස් දුන් බවයි.

ඉඩම් කොමසාරිස් දෙපාර්තමේන්තුව, ඉඩම් නිරවුල් කිරීමේ දෙපාර්තමේන්තුව, මිනින්දෝරු දෙපාර්තමේන්තුව සහ රෙජිස්ට්‍රාර් ජෙනරාල් දෙපාර්තමේන්තුව ඒකාබද්ධව එම කටයුත්ත වේගවත් කිරීමේ අවශ්‍යතාව එහිදී ජනාධිපතිතුමා පෙන්වා දී තිබේ.

ඒ සදහා වන ජීවී , වන සංරක්ෂණ සහ පරිසර අමාත්‍යංශද ඒකාබද්ධව කමිටුවක් පත්කර වැඩසටහන කඩිනම් කරන්නැයි ජනාධිපතිතුමා මෙහිදී උපදෙස් දුන් බව ජනාධිපති මාධ්‍ය අංශය පැවසී ය.

ශ්‍රී ලංකා තොරතුරු සහ සන්නිවේදන තාක්ෂණික නියෝජිතායතනය සමග එක්ව අගෝස්තු මාසය වන විට වැඩසටහන ජනගත කිරීමට අපේක්ෂිතයි.

ජනාධිපති මාධ්‍ය අංශය පැවසුවේ මෙලෙස ඊ ඉඩම් ක්‍රමය යටතේ ලියාපදිංචි කරන ඉඩම් වෙනුවෙන් ඉලෙක්ටොනික පාස් පොතක් නිකුත් කිරීමටද සැලසුම් කර ඇති බවයි.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]