COLOMBO (News 1st) : අග්‍රාමාත්‍ය මහින්ද රාජපක්ෂ මහතා පරිත්‍යාග කරන ලද ශෛලමය බුද්ධ ප්‍රතිමා වහන්සේ නමක් ඊයේ මුල්කිරිගල රජමහා විහාරස්ථානය වෙත ගුවනින් වැඩම කරවී ය.

ගුවන් හමුදාව මුල්කිරිගල රාජමහා විහාර පර්වත මුදුනේ තැන්පත් කිරීම සඳහා මෙම ශෛලමය ප්‍රතිමා වහන්සේ වැඩම කරවනු ලැබුවේ, එම්. අයි. 17 වර්ගයේ හෙළිකොප්ටර් යානායක් යොදා ගනිමිනි.

වීරකැටිය රාජපක්ෂ ක්‍රීඩාංගණයේ සිට ගුවන් සැතපුම් 3 කට ආසන්න දුරක් ගුවනින් වැඩම කරවූ අඩි 8 උසින් යුත් මෙම බුද්ධ ප්‍රතිමාවේ බර කිලෝ ග‍්‍රෑම් 3500 ආසන්න ය.

මේ අතර ගුවන් හමුදා ඉතිහාසයේ එම්. අයි .17 යානයකින් වැඩිම බර ප‍්‍රමණයක් රැගෙන ගිය අවස්ථාව ද මෙය වේ.

ගුවන් හමුදාපති එයාර් මාර්ෂල් සුමංගල ඩයස් මහතාගේ උපදෙස් හා අධීක්ෂණය යටතේ සිදුකළ මෙම මහඟු පිං කටයුත්ත සඳහා ගුවන් හමුදා නිලධාරීන් 20 ක පමණ පිරිසක් එක්ව සිටියහ.

විහාර පර්වත මුදුනේ තැන්පත් කෙරුණු ප්‍රතිමා වහන්සේ නිරාවරණය කිරීමේ පූජෝත්සවය ඇසළ පුන් පොහෝදා සිදු කිරීමට නියමිතයි.

ඡායාරූප : රජයේ ප්‍රවෘත්ති දෙපාර්තමේන්තුව

• මුල්ලේරියාවෙන් හෙරෝයින් කිලෝ 1.3ක් සොයා ගනී
• කොරෝනා ආසාදිතයින් 2450 ක් දක්වා ඉහළට
• හිටපු පොලිස්පති ඉලංගකෝන්ට ජනපති කොමිසම හමුවේ පෙනී සිටින්නැයි, නොතීසි
• කරුණා අත්අඩංගුවට ගැනීමේ රීට් ආඥාවක් නිකුත් කරන්නැයි, අභියාචනාධිකරණයට පෙත්සමක්
• මෙරට දෙවන දිය යට කෞතුකාගාරයත් විවෘත වෙයි
• අද දිනයේ මේ දක්වා කොරෝනා ආසාදිතයින් 283ක්
• ”කටකතාවලට රැවටෙන්න එපා….!, කිසිදු ගමක් හුදකලා කර නැහැ” – යුද හමුදාපති
• ගිනිඅවි සමග තරුණයින් දෙදෙනෙක් මීටියාගොඩදී අත්අඩංගුවට
• පළාත් කිහිපයකට ගිගුරුම් සහිත වැසි
• දින 77කට පසු වැලිසර රෝහල බාහිර රෝගීන්ට යළි විවෘතයි