by Staff writer 02-06-2020 | 5:18 PM
COLOMBO (News 1st) - මිය ගොස් සිටි කොටියෙකුගේ මළ සිරුරක් නෙළුව, හත්පිටිය ප්රදේශයේදී හමු වී තිබේ.
වනජීවි දෙපාර්තමේන්තුව සඳහන් කළේ, එම කොටියාගේ ගෙල ප්රදේශයේ තුවාල දක්නට ඇති බවය.
එහෙත් කොටියා මද්දකට හසු වූයේ ද යන්න පැහැදිලිව කිව නොහැකි බව ද වනජීවි දෙපාර්තමේන්තුවේ උසස් නිලධාරියෙකු පැවසීය.
අද උදෑසන කොටියාගේ මළ සිරුර සොයා ගනු ලැබුවේ ය.
වනජීවි දෙපාර්තමේන්තුව සඳහන් කළේ, දින 5 කට පමණ පෙර එම කොටියා මිය ගොස් ඇති බවට සැක පළ කරන බවයි.
මේ වසරේ මේ දක්වා කාලය තුළ කොටින් 4 දෙනෙකු මදුවලට හසු වී මිය ගොස් තිබේ.
පසුගිය දා හැටන්, ලක්ෂපාන ප්රදේශයේදී මද්දකට හසු වී කළු කොටියෙකු මිය ගියේ ය.