කොරෝනා ගැන සමාජ මාධ්‍යයෙන් බොරු ප්‍රචාර පැතිරවීමේ සිදුවීම් 400 ක් ගැන CID විමර්ශන..

COLOMBO (News 1st) - කොරෝනා වසංගතය සම්බන්ධයෙන් සමාජ මාධ්‍ය ඔස්සේ අසත්‍ය ප්‍රචාර පැතිරවීමේ සිදුවීම් 400කට ආසන්න සංඛ්‍යාවක් සම්බන්ධයෙන් අපරාධ පරීක්ෂණ දෙපාර්තමේන්තුව පරීක්ෂණ ආරම්භ කර තිබේ.

පොලීසිය පැවසුවේ, ඒ සඳහා විශේෂ කණ්ඩායමක් ක්‍රියාත්මක බවය. එවැනි අසත්‍ය ප්‍රචාර පැතිරවීම සම්බන්ධයෙන් මේ වනවිට සැකකරුවන් 16 දෙනෙකු අත්අඩංගුවට පත්ව සිටි. ඒ, පොලීසිය හා අපරාධ පරික්ෂක දෙපාර්තමේන්තුව කළ විමර්ශනවලින් අනතුරුවය. මෙතෙක් අත්අඩංගුවට ගත් පිරිස අතර හිටපු ජනාධිපති කාර්ය මණ්ඩල සාමාජිකයෙක්, වෛද්‍යවරයෙක්, විශ්වවිද්‍යාල පරිපාලන නිලධාරියෙක් සහ විශ්වවිද්‍යාල සිසුවෙක් ඇතුළු පිරිසක් සිටි.