ලෙඩ රෝග 200ක් හඳුනා ගත හැකි රොබෝ යන්ත්‍රයක්

COLOMBO (News 1st) : කොළඹ ආනන්ද විද්‍යාලයේ ආදි සිසුවෙකු විසින් නිර්මාණය කර ලද වෛද්‍ය සහයක රොබෝ යන්ත්‍රයක් අද පෙරවරුවේ අග්‍රාමාත්‍යවරයා වෙත ඉදිරිපත් කර තිබේ. ඒ විජේරාමේ පිහිටි අග්‍රාමාත්‍ය නිල නිවසේදී ය. අග්‍රාමාත්‍ය මාධ්‍ය අංශය නිවේදනයක් නිකුත් කරමින් පවසන්නේ, මෙම රොබෝ යන්ත්‍රයට ලෙඩ රෝග 200ක් හඳුනා ගැනීමට සහ ඒ පිළිබඳව උපදෙස් ලබා දී මට ද හැකියාව පවතින බවයි. එමෙන් ම මෙම යන්ත්‍රයට සිංහල සහ ඉංග්‍රීසි යන භාෂා දෙකෙන් ම සන්නිවේදන කටයුතු සිදු කිරීමේ හැකියාව පැවතීම විශේෂත්වයකි. අදාළ රොබෝ යන්ත්‍රය තවදුරටත් වැඩිදියුණු කර ව්‍යසනකාරී තත්ත්වයන් හමුවේ සෞඛ්‍ය කාර්ය මණ්ඩලවල සහයට යෙදවීම පිළිබඳව ද අවධානය යොමු වී තිබේ.