වාලච්චේනේ ළිඳකින් දරු දෙදෙනකුගේ මළ සිරුරු හමුවෙයි

COLOMBO (News 1st) : වාලච්චේන, මාවඩිචේන ප්‍රදේශයේ ළිඳක තිබී දරුවන් දෙදෙනකුගේ මළ සිරුරු හමුවී තිබේ. පොලීසිය සඳහන් කළේ, පියා විසින්, දරුවන් ළිඳට තල්ලු කරන්නට ඇති බවට සැක කරන බවයි. මියගොස් ඇත්තේ 7 හැවිරිදි ගැහැනු දරුවෙකු සහ 10 හැවිරිදි පිරිමි දරුවෙකි. මෘත ශරීර මඩකලපුව රෝහලේ තැන්පත් කර ඇතැයි, පොලීසිය සඳහන් කළේ ය. සිද්ධිය සම්බන්ධයෙන් එම දරුවන්ගේ පියා අත්අඩංගුවට ගෙන තිබේ.