COLOMBO (News 1st) – කැලණිය විශ්වවිද්‍යාලයේ CCTV කැමරා ගැලවීමේ සිද්ධියට සම්බන්ධ සිසුන් 25 දෙනෙකුට වසර දෙකක පන්ති තහනමක් පැනවීමට විශ්වවිද්‍යාල පාලනාධිකාරිය තීරණය කර තිබේ.

නිවේදනයක් නිකුත් කරමින් එම විශ්වවිද්‍යාලය පවසන්නේ, ඊට අදාළ ඉදිරි පරීක්ෂණ ක්‍රියාත්මක බවයි.

ගැල වූ CCTV කැමරා යළි සවි කිරීමට අවශ්‍ය පියවර ගන්නා බව ද විශ්වවිද්‍යාලය පැවසුවේ ය.

මේ අතර 2017/2018 අධ්‍යයන වර්ෂය හෙටින් අවසන් වන බැවින් එදින පෙරවරු 8.00 සිට කැලණි විශ්වවිද්‍යාලයේ දළුගම පරිශ්‍රය සියලුම සිසුන්ට තහනම් ප්‍රදේශයක් බවට ප්‍රකාශයට පත් කර තිබේ.

විශ්වවිද්‍යාලය නිවේදනය කළේ, ඒ අනුව හෙට පෙරවරු 8.00 ට පෙර සියලු සිසුන් නේවාසිකාගාරවලින් ඉවත් විය යුතු බවයි.

සති අන්ත පශ්චාත් උපාධි පාඨමාලා, ඩිප්ලෝමා පාඨමාලා, සහතික පත්‍ර පාඨමාලා ද ඊට අදාළ සියලුම විභාග නැවත දැනුම්දෙනතුරු නොපැවැත්වෙන බව කැලණිය විශ්වවිද්‍යාලය නිකුත් කළ නිවේදනයේ වැඩිදුරටත් සඳහන් ය.

මේ අතර කැලණිය විශ්වවිද්‍යාලයේ CCTV කැමරා ගැලවීමේ සිද්ධියට සම්බන්ධ භික්ෂුන්වහන්සේ නමක් ඇතුළු සිසුන් 3 දෙනෙකු ලබන මස 03 වැනි දා දක්වා රක්ෂිත බන්ධනාගාරගත කෙරුණි.

ඒ, ඔවුන් අද මහර මහේස්ත්‍රාත් අධිකරණයට ඉදිරිපත් කිරීමෙන් අනතුරුවයි.

විශ්වවිද්‍යාලයේ CCTV කැමරා පද්ධතියට හානි කිරීම සම්බන්ධයෙන් ඊයේ සිසුන් 16 දෙනෙකු අත්අඩංගුවට ගෙන ඉන් 12 දෙනෙකු පොලිස් ඇප මත මුදා හැරිණි.

• දේශබන්දු තෙන්නකෝන්ට මාස 3ක කාලයක් පොලිස්පති ධුරයේ වැඩබැලීමට ව්‍යවස්ථාදායක සභාවේ අනුමැතිය
• විශ්‍රාමික දීමනා ජීවන වියදම් දර්ශකයට සමානුපාතිකව ඉහළ නැංවීම සඳහා සූත්‍රයක් සකසන්න – ක්‍රම සහ විධි පිළිබඳ කාරක සභාව විශ්‍රාම වැටුප් දෙපාර්තමේන්තුවට නිර්දේශ කරයි..
• උසස් පෙළ විභාගයට අදාළ විශ්වවිද්‍යාල කඩඉම් ලකුණු නිකුත් කෙරේ
• උගන්ඩාව 2024 පන්දුවාර 20 යි 20 ලෝක කුසලානයට සුදුසුකම් ලබයි
• දේවගැති ජෙරම් ප්‍රනාන්දු CID අත්අඩංගුවට
• ඊශ්‍රායලය – හමාස් සටන් විරාමය අවසන්
• අල්ලස් ගත් කඳාන දූෂණ විමර්ශන අංශයේ ස්ථානාධිපති අත්අඩංගුවට..
• ලෝක ඒඩ්ස් දිනය අද..
• වේයන්ගොඩ අවන්හලක් අසල පුද්ගල ඝාතනයක්
• බෙංගාල බොක්ක ආශ්‍රිතව සුළි කුණාටු අවදානමක්….මුහුදු යාමෙන් වළකින්න – කාලගුණයෙන් අවවාද