දක්ෂිණ අධිවේගයේ ගොඩගම සිට බරවකුඹුක දක්වා කොටස විවෘත කෙරේ

COLOMBO (News 1st) - දක්ෂිණ අධිවේගී මාර්ගයේ මාතර, ගොඩගම සිට හම්බන්තොට, බරවකුඹුක දක්වා කොටස මීට ටික වේලාවකට පෙර විවෘත කෙරිණි.

ඒ, ජනාධිපති ගෝඨාභය රාජපක්ෂ සහ අග්‍රාමාත්‍ය මහින්ද රාජපක්ෂ යන මහත්වරුන්ගේ ප්‍රධානත්වයෙනි. කිලෝමීටර් 56 ක දිගකින් සමන්විත එම මාර්ග කොටසට අයත්වන පිවිසුම් දොරටු ගණන 5 කි. මෙම මාර්ගය විවෘත කිරීමත් සමග කොළඹ සිට පැය දෙක හමාරක් වැනි කාලයක් තුළ හම්බන්තොට නගරයට ගමන් කළ හැකි ය.