ගංඟාරාම නවම් මහා පෙරහැර අද රාත්‍රියේ විදී සංචාරය කරයි

COLOMBO (News 1st) : හුණුපිටිය ගංගාරාම විහාරස්ථානයේ නවම් මහා පෙරහැර මංගල්‍යයේ අවසන් පෙරහැර අද රාත්‍රී විථි සංචාරය කිරීමට නියමිතයි. පෙරහැරට මෙවර අලි ඇතුන් 50 කට අධික සංඛ්‍යාවක් සහභාගී වන අතර උඩරට , පහතරට සහ සබරගමු සම්ප්‍රදායේ නර්තනාංගවලින් ද එය වර්ණවත් වනු ඇති. හුණුපිටිය ගංගාරාම විහාරස්ථානයේ නවම් මහා පෙරහැර හේතුවෙන් අද පස්වරු 6.30 සිට ඒ ආශ්‍රිතව මාර්ග කිහිපයක් වසා තැබෙන බව පොලීසිය සඳහන් කළේ ය. විකල්ප මාර්ග භාවිත කරන ලෙස පොලීසිය ජනතාවට දැනුම් දෙයි.