COLOMBO (News 1st) – කෝප් කමිටුව ඇතුළු පාර්ලිමේන්තු කමිටු සඳහා නව සමාජිකයින් පත් කිරීම පිළිබඳ සාකච්ඡාවක් ලබන 07 වැනි දා පාර්ලිමේන්තු සංකීර්ණයේදී පැවැත්වේ.

කථානායක කරූ ජයසූරිය මහතාගේ ප්‍රධානත්වයෙන් පැවැත්වෙන සාකච්ඡාව සඳහා පක්ෂ නායකයින් සහභාගිවීමට නියමිතයි.

දැනට පුරප්පාඩු වී පවතින රාජ්‍ය මුදල් කාරක සභාව, රාජ්‍ය ගිණුම් කාරක සභාව ඇතුළු කාරක සභා සඳහා සාමාජිකයින් පත් කිරීම පිළිබඳ අවසන් එකඟතාවයකට එළඹීමට මෙම සාකච්ඡාවේදී සැලසුම් කර තිබේ.

ජනාධිපති ගෝඨාභය රාජපක්ෂ මහතා පසුගිය දා පාර්ලිමේන්තුව වාර අවසාන කිරීමත් සමග කාරක සභා 10 ක් අහෝසි විය.

මේ පිළිබඳ සාකච්ඡාවක් පෙරේදා දිනයේ ද පැවති අතර එහිදී ආණ්ඩු පක්ෂය යෝජනා කර ඇත්තේ කාරක සභාවල බහුතර සාමාජික සංඛ්‍යාවක් ආණ්ඩුවට හිමිවිය යුතු බවයි.

පෙර සාමාජිකයින්ම ඒ සඳහා පත් කළ යුතු බව විපක්ෂය එහිදී යෝජනා කර තිබේ.

• මහජනයා වෙනුවෙන් යුතුකම් පැහැර හරින බැංකුවලට මහ බැංකුවෙන් අනතුරු ඇඟවීමක්
• උදයංග වීරතුංග පෞද්ගලික ඇපයක් මත මුදාහැරීමට අධිකරණයෙන් නියෝග
• කොරෝනා ආසාදිතයින් හඳුනා ගැනීමේ පරීක්ෂණ පුළුල් කෙරේ
• පොලිස් අණ නොතකා වෙඩි කෑ සැකකරුවන් මත්ද්‍රව්‍ය ජාවාරමට සම්බන්ධයි – පොලීසිය
• නිරෝධායනය වූ තවත් 288ක් නිවෙස් බලා පිටත්ව යති
• කොරෝනා පාලනයට රජයේ වෛද්‍ය නිලධාරීන්ගෙන් 8 වැදෑරුම් වැඩපිළිවෙළක්
• තවත් කොරෝනා රෝගියෙකු සුවය ලබයි
• කොවිඩ් 19 මර්දනයට ලෝක බැංකුවෙන් සහන ණයක්
• ඇඳිරි නීතිය කඩ කළ 1,264ක් අත්අඩංගුවට
• විශ්‍රාම වැටුප් ලබා ගැනීමට අදත් අවස්ථාව