ලංකාවට අ. ඩොලර් මිලියන 250 ක නව විදෙස් ආයෝජන ව්‍යාපෘතියක්

COLOMBO (News 1st) - අමෙරිකානු ඩොලර් මිලියන 250 ක විදේශ ආයෝජන ව්‍යාපෘතියක් මෙරටට ලැබී ඇතැයි මුදල් ආර්ථික සහ ප්‍රතිපත්ති සංවර්ධන අමාත්‍යාංශය පවසයි.

ඒ අනුව කොළඹ බාලදක්ෂ මාවතේ අක්කර තුනක භූමියක මහල් 30 ක වාණිජ කුළුණක් ඉදිකිරීමට යෝජිතයි. නිවාස ඒකක 700 කින් සමන්විත ව්‍යාපෘතියට, සිල්ලර සහ ආහාර වෙළෙඳ සැල් ද ඇතුළත් ය. අදාළ ඉඩම එම සමාගමට අමෙරිකානු ඩොලර් මිලියන 43 ක බදු කුලියකට ලබාදෙන බව මුදල් අමාත්‍යාංශය සඳහන් කළේ ය. ඊට අදාළ ගිවිසුමට ඉදිරියේදී අත්සන් තබනු ඇති. අදාළ යෝජනාවට පසුගිය දා කැබිනට් අනුමැතිය ද හිමිවිය.