හඟුරන්කෙතදී හඳුන් දිවියෙකුගේ සිරුරක් ‍සොයා ගැනේ

COLOMBO ( News 1st ) - හඟුරන්කෙත, අධිකාරීගම ප්‍රදේශයේ මියගොස් සිටි හඳුන් දිවියෙකුගේ සිරුරක් ‍හමුව තිබේ.

හඳුන් දිවියාගේ සිරුර ඊයේ රාත්‍රීයේ හමු වූයේ අධිකාරීගම, උඩවත්ත කුඹුර ප්‍රදේශයේ මාර්ගයක තිබියදී ය. එය දුටු ප්‍රදේශවාසීන් ඒ සම්බන්දයෙන් පොලීසිය හා වනජීවි නිලධාරීන් දැනුවත් කර තිබේ. ප්‍රදේශවාසීන් ප්‍රකාශ කළේ, මින් පෙර මෙම හඳුන් දිවියා ප්‍රදේශයේ සැරිසරන අයුරු දුටු බවයි. මින් පෙර ද අධිකාරීගම තේවතු ආශිතව හඳුන් දිවියන් නිරන්තරයෙන් සැරිසරන බව ද වාර්තා වේ. ප්‍රදේශවාසීන් පෙන්වා දෙන්නේ, එය හඳුන් දිවියන්ගේ ජිවිතවලට දැඩි තර්ජනයක් වන බවයි. රන්දෙනිගල වනජීවි නිලධාරීන් හා පොලීසිය එක්ව වැඩිදුර පරීක්ෂණ ක්‍රියාත්මක කරයි