යොවුන් තුන්කොන් එක්දින ක්‍රිකට් තරගාවලියේ ජය ශ්‍රී ලංකාවට

COLOMBO (News 1st) - බටහිර ඉන්දීය කොදෙව් යොවුන් කණ්ඩායම හා එංගලන්ත යොවුන් කණ්ඩායම සමග පැවැති තුන්කොන් එක්දින ක්‍රිකට් තරගාවලියේ ශූරතාව හිමිකර ගැනීමට ශ්‍රී ලංකා යොවුන් ක්‍රීඩකයින් සමත් විය.

ඒ, අවසන් තරගයේදී එංගලන්තය ලකුණු 77 කින් පරාජය කරමිනි. අවසන් තරගයේ පළමුවෙන් පන්දුවට පහර දුන් ශ්‍රී ලංකා යොවුන් ක්‍රීඩකයින් නියමිත පන්දුවාර 50 අවසානයේ කඩුලු 9 ක් දැවී ලකුණු 265 ක් රැස් කළේ ය. අනතුරුව ජයග්‍රහණය සඳහා ලකුණු 266 ක ඉලක්කයක් හඹාගිය එංගලන්ත යොවුන් ක්‍රීඩකයින්ට සියලු දෙනා දැවී රැස් කර ගැනීමට හැකි වූයේ ලකුණු 188 ක් පමණි.