දෝෂාභියෝග ඡන්ද විමසීමෙන් අමෙරිකානු ජනාධිපති ඩොනල්ඩ් ට්‍රම්ප් පරාදයි

News 1st - දෝෂාභියෝග ඡන්ද විමසීමෙන් අමෙරිකානු ජනාධිපති ඩොනල්ඩ් ට්‍රම්ප් පරාජයට පත්විය.

එහිදී දෝෂාභියෝගයට පක්ෂව ඡන්ද 230 ක් හිමි වූ අතර විපක්ෂව ලැබුණු ඡන්ද සංඛ්‍යාව 197 කි. නියෝජිත මන්ත්‍රී මණ්ඩලයේදී දෝෂාභියෝගය ජයග්‍රහණය කිරීමට නම් ඡන්ද 216 ක් හෝ ඊට වැඩි සංඛ්‍යාවක් ලබාගත යුතු විය. සිය බලතළ අනිසි ලෙස භාවිත කිරීම සහ කොංග්‍රසයේ ක්‍රියාවලියට බාධා කිරීම යන චෝදනා ජනපති ට්‍රම්ප්ට එල්ල වේ. සිය දේශපාලන ප්‍රතිවාදී ජෝ බයිඩන්ට එරෙහිව විමර්ශනයක් පවත්වා ඔහු අපකීර්තියට පත්කරන ලෙස යුක්‍රේනයට බලපෑම් කිරීම ජනාධිපති ට්‍රම්ප්ට එම චෝදනා එල්ලවීමට මූලික හේතුවයි. ඒ අනූව දෝෂාභියෝගයට අදාළ සෙනට් නඩු විභාගය ලබන ජනවාරියේදී ඇරඹෙනු ඇති. ඩොනල්ඩ් ට්‍රම්ප්, අමෙරිකානු ඉතිහාසයේ දෝෂාභියෝගයකට ලක් වූ තෙවන ජනාධිපතිවරයායි.