COLOMBO (News 1st): 2016 වසරේදී රාජගිරියේදී තරුණයෙකු රිය අනතුරකට ලක් කළ බව කියන සිද්ධියකට අදාළව හිටපු අමාත්‍ය පාඨලී චම්පික රණවක මහතාට සහ ඔහුගේ රියැදුරු තුසිත දිළුම් කුමාර නැමැත්තාට කොළඹ අතිරේක මහේස්ත්‍රාත් කංචනා නෙරංජනා ද සිල්වා මහත්මිය අද විදෙස් ගමන් තහනමක් පැනවූවා ය.

ඒ, කොළඹ පොලිස් අපරාධ කොට්ඨාශය අධිකරණ හමුවේ කළ කරුණු දැක්වීමකින් පසුවයි.

2016 පෙබරවාරි 28 වැනිදා රාත්‍රියේ රාජගිරිය ප්‍රදේශයේදී අනතුරක් සිදුකර තරුණයෙකුට බරපතල තුවාල සිදුකළ බව සිද්ධියකට අදාළව අපරාධ කොට්ඨාශය යළි විමර්ශනයක් ආරම්භ කර තිබේ.

හිටපු අමාත්‍යවරයා සහ රියැදුරු රටින් පිටවීම වැළැක්වීම සඳහා විදෙස් ගමන් තහනමක් පනවන්නැයි අපරාධ කොට්ඨාශය අධිකරණයෙන් ඉල්ලා සිටි අතර ඊට අවසර දුන් අතිරේක මහේස්ත්‍රාත්වරිය අදාළ තහනම ආගමන විගමන දෙපාර්තමේන්තුවට දන්වන ලෙස ද නියෝග කළා ය.

• හුංගමදී බස් රථයක් සහ ලොරියක් ගැටීමෙන් 4 ක් මරුට: 13කට තුවාලයි
• “MCC ගිවිසුම ගැන එජාපයේ ප්‍රකාශය අසා මවිතයට පත් වුණා” – අගමැති
• වඳ වූ බව කියූ ශ්‍රී ලංකාවේ කළු කොටියා යළි මතුවෙයි
• හුංගමදී සැකකරුවෙකු අත්අඩංගුවට ගැනීමට යාමේදී පොලිස් නිලධාරීයෙකු අතින් සිදු වූ වෙඩි වැදීමකින් හිමිනමක් අපවත් වෙයි
• රැකියා අපේක්ෂිත සියලු උපාධිධාරීන් රජයේ රැකියා – ජනපති
• කතරගම ගැටුමට සම්බන්ධ සැකකරුවන් ලබන 22 වැනි දා දක්වා රිමාන්ඩ්
• මත්ද්‍රව්‍ය ජාවාරම්කරුවන් දෙදෙනෙකු වැල්ලම්පිටියේදී STF අත්අඩංගුවට
• පුහුණු උපාධිධාරීන් 6000ක් ස්ථිර සේවයට
• නිදහස් පක්ෂ පළාත් පාලන මන්ත්‍රීන් 20ගේ සාමාජිකත්වය අත්හිටුවයි
• GSP+ බදු සහනය තවදුරටත්