News 1st – අන්තර් ජාතික තහනම් උත්තේජක පාලන ආයතනය අද රුසියාවට වසර 4 ක ක්‍රීඩා තහනමක් පනවා තිබේ.

ඒ අනුව ඔලිම්පික් අතුළු ප්‍රධාන පෙළේ ක්‍රීඩා උළෙල සඳහා සහභාගිවීමේ අවස්ථාව රුසියාවට අහිමි වනු ඇති.

අන්තර් ජාතික තහනම් උත්තේජක පාලන ආයතනයේ විධායක කමිටුව අද මෙම තීරණයට එළඹියේ ස්විට්සර්ලන්තයේ පැවති රැස්වීමකදීය.

තහනම් උත්තේජක වංචාවන් හඳුනාගැනීම වැලැක්වීම සඳහා තහවුරු වූ උතේජක පරීක්ෂණවලට අදාළ ප්‍රතිඵල මකා දැමීමත්, රසායනාගාර දත්ත වෙනස් කිරීම සඳහා ව්‍යජ සාක්ෂි ඇතුළත් කිරීමත් වැනි කරුණු පිළිබඳ සලකා බැලීමෙන් අනතුරුව මෙම තීරණය ගෙන තිබේ.

ඒ අනුව 2020 ටොකියෝ ඔලිම්පික් සහ 2022 ලෝක කුසලාන පාපන්දු තරගාවලියේදී රුසියානු ජාතික ධජය එසවීම සහ ජාතික ගීය වාදනයට අවසර නොලැබෙනු ඇති.

කෙසේ වෙතත් තහනම් උත්තේජක අර්බුදයට සම්බන්ධ නොමැති බවට තහවුරු කිරීමට හැකි මලල ක්‍රීඩකයිනට ස්වාධීන ධජයක් යටතේ තරග කිරීම සඳහා හැකියාව ලැබෙන ඇතැයි විදෙස් වාර්තා පවසයි.

• මීටියාගොඩදී වෙඩි තැබීමක්
• අඹන්පොළ සහ ගල්ගමුව අතරදී දුම්රියේ ගැටී වන අලි 4ක් මරුට
• බස්නාහිර ඇතුළු ප්‍රදේශ රැසකට මිලිමීටර් 100ක වැසි
• නබිතුමන්ගේ ජන්ම දිනය වෙනුවෙන් ලෝකවාසී ඉස්ලාමීය ජනතාවට ජනපතිගෙන් සුබ පැතුම්!
• ලෝකවාසී ඉස්ලාම් බැතිමතුන් ඉමහත් බැතියෙන් සමරන ශුද්ධ වූ නබිතුමන්ගේ ජන්ම දිනය අදයි
• ගෙවුණු දිනය උණුසුම් කළ පුවත්
• මෙරටට හොරොයින් ගෙන්වීම වරදට පුද්ගලයින් 5 දෙනෙකුට කොළඹ මහාධිකරණයෙන් මරණ දඬුවම්
• ශ්‍රී ලංකා ආර්ථිකය ස්ථාවර වීමේ තාවකාලික ලකුණු පෙන්නුම් කළත්, සම්පූර්ණ අර්ථික ප්‍රකෘතියක් තවමත් සහතික වී නැහැ – IMF
• ජනපති බයිඩ්න්ගේ ‘කමාන්ඩර්’තවත් ආරක්ෂක නිලධාරියෙක් සපාකයි
• හොර පාරෙන් ‍සන්නිවේදන උපකරණ රටට ගෙනා තිදෙනෙක් කටුනායකදී කොටු