පළාත් කිහිපයකට අද පස්වරුවේ වැසි

COLOMBO (News 1st) : බස්නාහිර, සබරගමුව, මධ්‍යම, ඌව සහ වයඹ පළාත්වලත් ගාල්ල සහ මාතර කදිස්ත්‍රික්කවල ඇතැම් ස්ථානවලට අද පස්වරුවේ මිලිමීටර් 75 ත් 100 ත් අතර තද වර්ෂාපතනයන් ඇති විය හැකි බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කළේ, දිවයිනේ සෙසු පළාත්වලට ද වැසි හෝ ගිඟුරුම් සහිත වැසි ඇති විය හැකි බවයි. ගිඟුරුම් සහිත වැසි සමග තද සුළං ඇති විය හැකි අතර අකුණු අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවට දැනුම් දී සිටී.