ඉරාකයේ ආණ්ඩු විරෝධි උද්ඝෝෂණ උග්‍ර අතට, පුද්ගලයින් 40 දෙනෙකු මරුට

News 1st - ඉරාකයේ ක්‍රියාත්මක ආණ්ඩු විරෝධි උද්ඝෝෂණ අතරතුර හටගත් ගැටුම්වලින් පුද්ගලයින් 40 දෙනෙකු මිය ගොස් තිබේ.

ඉන් දෙදෙනෙකු මිය ගොස් ඇත්තේ, බැග්ඩෑඩ් නුවරදී පොලීසිය එල්ල කළ කඳුළු ගෑස් ප්‍රහාර හේතුවෙනි. විදෙස් වාර්තා අනාවරණ කළේ, ප්‍රචණ්ඩ විරෝධතා හමුවේ තව ත් 2000 ට අධික පිරිසක් තුවාල ලබා ඇති බවයි. බොහෝ පිරිසක් මිය ගොස් ඇත්තේ ආරක්ෂක අංශ සමග ඇතිකරගත් ගැටුම් හේතුවෙනි. රැකියා ලබා නොදීම යහපත් රාජ්‍ය සේවයක් හා දූෂණයට එරෙහිව ඉරාක වැසියන් මෙම ප්‍රචණ්ඩ විරෝධතා ආරම්භ කර ඇත. මෙම මස මුලදී ඉරාකයේ පැවති මෙවැනිම රාජ්‍ය විරෝධි උද්ඝෝෂණයකින් පුද්ගලයින් 150 දෙනෙකු මිය ගියහ.