සජිත් ජනපති අපේක්ෂකයා විය යුතුයි..! - මනෝ ගනේෂන්ගෙන් ප්‍රකාශයක්

COLOMBO (News 1st) - ජනාධිතිවරණයට සජිත් ප්‍රේමදාස මහතා තරග කළ යුතු බව මනෝ ගනේෂන් ඇමතිවරයා අවධාරණය කරයි.

බෙදීමක් නැතුව යම් කිසි තැනකට එන්න ඕනෑ බව අපි කව්රුත් බලාපොරොත්තු වෙනවා. ඒ නිසා තමුන් තරග කරොත් තමා අපේ සන්ධානයක් ලෙස ජයග්‍රහණය කළ හැකි බව සජිත් ප්‍රේමදාස මහත්තයා තරයේ විශ්වාස කරනවා. ඒ විශ්වාස කරන අය එක්සත් ජාතික පක්ෂයේ බහුතර මන්ත්‍රීවරුන් අතරත් තියෙන බව මම දන්නවා මොකද ඒ අය ලියුම් අත්සන් කරලා දීලා තියෙනවා. සන්ධානය වෙනුවෙන් ජනාධිපති අපේක්ෂකයා හැටියට සජිත් ප්‍රේමදාස මහත්තයා තරග කළ යුතු වෙනවා.

ඒ සම්බන්ධයෙන් අනිකුත් පක්ෂ එක්කත් කතා කරලා තියෙනවාද මේ ස්ථාවරය සම්බන්ධව ?

නෑ.. නෑ.. ඒක දන්නේ නෑ.. ඇත්තටම නිල සාකච්ජාව හෙට පැවැත්වීමට නියමිතයි.

හෙට දවසේ වෙලාවක් තීරණය වෙලා තියෙනවා ද?

නෑ.. වෙලාවක් තීරණය වෙලා නෑ. ඒක තමයි සාකච්ජා කරමින් සිටින්නේ.

ඔබතුමා සහ සජිත් ප්‍රේමදාස මහත්තයා ද තව කවුරුන්ද ඉන්නේ.

තව අනෙක් කොටස්කාර පක්ෂ නායකවරු ඉන්නවා. රවුෆ් හකීම්, බදියුදීන්, චම්පික රණවක ඔක්කොම ඉන්න එපැයැ. එක්සත් ජාතික පෙරමුණ කියන්නේ මම විතරක් නෙවෙයිනේ.