ඩොලර් මිලියන 250ක ඉරාන තෙල් වෙනුවට, ලංකාවෙන් තේ

ඩොලර් මිලියන 250ක ඉරාන තෙල් වෙනුවට, ලංකාවෙන් තේ

ඩොලර් මිලියන 250ක ඉරාන තෙල් වෙනුවට, ලංකාවෙන් තේ

කර්තෘ Staff writer

05 Sep, 2019 | 8:05 am

COLOMBO (News 1st) : ඉරානය සමග නව භාණ්ඩ හුවමාරු ගිවිසුමකට එළඹීමට රජය තීරණය කර තිබේ.

වැවිලි කර්මාන්ත අමාත්‍යංශයේ ලේකම් ජේ. ඒ. රංජිත් මහතා සඳහන් කළේ, ලංකා ඛණිජ තෙල් නීතිගත සංස්ථාව ඉරානයෙන් මිලදී ගත් ඉන්ධන ගාස්තු පියවීම සඳහා එරටට තේ අපනයනය කිරීමට සැලසුම් කර ඇති බවයි.

මිලදී ගත් ඉන්ධන වෙනුවෙන් ලංකා ඛණිජ තෙල් නීතිගත සංස්ථාව ඉරානයට ගෙවීමට ඇති මුදල, ඩොලර් මිලියන 250 කට ආසන්න වේ.

එහෙත් අමෙරිකාව, ඉරානයට එරෙහිව සම්බාධක පැනවීම හේතුවෙන් එරට බැංකු සමග ඩොලර් භාවිතයෙන් ගනුදෙනු කිරීමට හැකියාවක් නොමැත.

නව යෝජනාවට අනුව, මෙරට ප්‍රධාන තේ ගැනුම්කරුවෙකු වන ඉරානයට, අය කිරීමකින් තොරව තේ සපයන්නේ එම මුදල ඉන්ධන ගාස්තුවලට හිලව් කර ගැනීමේ අරමුණිනි.

වසර දෙකක කාලයකට යටත්ව එම ගිවිසුමට එළඹීමට සැලසුම් කර තිබේ.

මේ සම්බන්ධයෙන් ඉරානය සමඟ සාකච්ඡා කර ඇතැයි ද වැවිලි කර්මාන්ත අමාත්‍යංශයේ ලේකම්වරයා සඳහන් කළේ ය.

ඉදිරියේදී ඊට අදාළ යෝජනාව, කැබිනට් මණ්ඩලයට ඉදිරිපත් කිරීමට නියමිතයි.

ඉරානයට අපනයනය කෙරෙන තේ සඳහා ලැබිය යුතු මුදල, ඛණිජ තෙල් නීතිගත සංස්ථාව, ලංකා තේ මණ්ඩලයට ගෙවනු ඇති.

 

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]