COLOMBO (News 1st): ඉරානය විසින් ගල්ෆ් මුහුදු තීරයේදී බ්‍රිතාන්‍ය ධජය සහිත තෙල් නෞකාවක් සිය ග්‍රහණයට ගනු ලැබ තිබේ.

නෞකාවේ හිමිකාරිත්වය පැවසුවේ කාර්ය මණ්ඩල සාමාජිකයින් 23 දෙනෙකුගෙන් සමන්විත ස්ටෙනා ඉම්පෙරෝස් නැමැති මෙම නෞකාව සමග පැවති සියලු සන්නිවේදන සබඳතා අවහිර වූ බව ය.

ඉරානය තම ධජය සහිත නෞකාව නිදහස් නොකරන්නේ නම් බරපතල ප්‍රතිවිපාකයන්ට මුහුණ දීමට සිදුවනු ඇතැයි බ්‍රිතාන්‍ය විදේශ ලේකම් ජෙරමි හන්ට් පවසා තිබේ.

ඔහු පැවසුවේ බ්‍රිතාන්‍ය නෞකාව ඉරාන ග්‍රහණයට ගැනීමට පෙර කුඩා යාත්‍රා 4 ක් හා හෙලිකොප්ටරයක් පැමිණ අදාළ නෞකාව වටකර ඇති බව ය.

මේ අතර වේග ප්‍රහාරක යාත්‍රා 10 ක් යොදා ගනිමින් එම මුහුදු කලාපයේදී මෙස්ඩාර් නැමැති තවත් බ්‍රිතාන්‍ය නෞකාවක් සිය ග්‍රහණයට ගැනීමට ඉරාන හමුදා උත්සාහ දරා ඇතැයි වාර්තා වේ.‍

කෙසේවෙතත් අදාළ නෞකාවට කිසිඳු බලපෑමක් සිදුව නොමැති බව බ්‍රිතාන්‍ය විදේශ ලේකම්වරයා ප්‍රකාශ කළේය.

පසුගියදා ජිබ්රැල්ටර් මුහුදු ප්‍රදේශයේදී ඉරාන තෙල් නෞකාවක් බ්‍රිතාන්‍ය නාවික හමුදාව සිය භාරයට ගත්තේ අදාල නෞකාව යොදා ගනිමින් සම්බාධක නොතකමින් සිරියාවට තෙල් ප්‍රවාහනය කරන බව පවසමිනි.

අදාල නෞකාව මේ වන විටත් බ්‍රිතාන්‍ය ග්‍රහණයේ තිබෙන අතර වැඩිදුර විමර්ශන සඳහා එය තවත් දින 30 ක් රඳවා තබා ගැනීමට ජිබ්රැල්ටර් ශ්‍රේෂ්ඨාධිකරණය ඊයේ බ්‍රිතාන්‍ය නාවික හමුදාවට අවසර ලබා දුන්නේය.

• ගෙවුණු දවස උණුසුම් කළ පුවත්…
• ගොවිජන සංවර්ධන නිලධාරියෙකුට 16 වසරක සිර දඬුවම්
• හිටපු රේගු අධ්‍යක්ෂ ජනරාල් සහ හිටපු රේගු අතිරේක අධ්‍යක්ෂ ජනරාල් අධිකරණයට ඉදිරිපත් කරන්නැයි, නියෝග
• අල්ලස් ගත් කොස්තාපල්ට වසරක සිරදඬුවම්
• JUST IN : විධායක ජනපති ධුරය අහෝසි කිරීම සම්බන්ධ යෝජනාවක් කැබිනට් මණ්ඩලයට
• ඌරුබොක්කේ ව්‍යාපාරිකයෙකු පැහැර ගැනේ
• දුම්රිය වෘත්තීය සමිති අද මධ්‍යම රාත්‍රියේ සිට අකුරට වැඩ
• තැපැල් ඡන්ද අයැදුම් කිරීමේ අවස්ථාව අද සිට
• මාවනැල්ලේදී බුදු පිළිමවලට හානි කළ 21ක් රිමාන්ඩ්
• ඉන්දුනීසියාවේ මැග්නිටියුට් ඒකක 6.2 ක භූ කම්පනයක්