ඔස්ට්‍රේලියාවේ ඇඩම් සම්පා පන්දුව පළුදු කළා ද?

(News 1st): ඔස්ට්‍රේලියානු දග පන්දු යවන ක්‍රීඩක ඇඩම් සම්පා ඉන්දියාවට එරෙහි තරගයේ දී පන්දුව පළුදු කිරීමක් කළ බවට දැක්වෙන වීඩියෝවක් මේ වනවිට ලොව පුරා සමාජ මාධ්‍ය ඔස්සේ හුවමාරු වෙමින් පවතී. සිය කලිසම් සාක්කුවෙන් යමක් ගෙන එය පන්දුවෙහි තවරන ආකාරයේ දර්ශන කිහිපයක් අදාළ වීඩියෝ දර්ශනවල ඇතුළත් වේ. කෙසේ වෙතත් මෙම තරගයේ දී ඇඩම් සම්පා පන්දුවාර 6ක් යවා ලකුණු 50ක් ලබා දුන් නමුත් කිසිඳු කඩුල්ලක් දවා ගැනීමට සමත් වූයේ නැත.