COLOMBO (News 1st) : අමෙරිකානු ප්‍රහාර ජෙට් යානා සහ S-400 වර්ගයේ රුසියානු මිසයිල නාශක පද්ධතිය යන දෙකෙන් එකක් තෝරාගන්නා ලෙස අමෙරිකාව තුර්කියට දැනුම්දී තිබේ.

මෙම විකල්ප දෙකෙන් එකක් තෝරාගැනීම සඳහා අමෙරිකාව , තුර්කියට ලබාදී ඇති අවසන් කාලසීමාව ලබන ජූලි 31 වනදායි.

තුර්කි ආරක්ෂක ලේකම්වරයා වෙත අමෙරිකානු ආරක්ෂක ලේකම් පැට්‍රික් ෂැනහන් මෙය ලිඛිතව දැනුම් දී තිබේ.

මෙම ආරක්ෂක ගනුදෙනුව සම්බන්ධයෙන් අමෙරිකාව සහ තුර්කිය මාස ගණනාවක සිට දැඩි අර්බුදයකට මැදිව සිටී.

අමෙරිකාව පවසන්නේ තුර්කියට අමෙරිකානු ප්‍රහාරක ජෙට් යානා සහ රුසියානු S-400 මිසයිල නාෂක පද්ධතිය යන දෙකම මිලදී ගත නොහැකි බවයි.

දැනටමත් අමෙරිකානු F-35 එස් වර්ගයේ ප්‍රහාරක ජෙට් යානා සියයක් මිලදී ගැනීම සඳහා තුර්කිය අමෙරිකාව සමග ගිවිසුමකට එළැඹ සිටී.

අමෙරිකාව අනතුරු අඟවා ඇත්තේ රුසියානු මිසයිල නාශක පද්ධතිය මිලදී ගතහොත් , මෙම ප්‍රහාරක ජෙට් යානා සැපයීම නතර කරන බවයි .

එමෙන්ම එම ප්‍රහාරක යානා සඳහා තුර්කි ගුවන් නියමුවන්ට ලබාදෙන පුහුණුව නතරක කරන බවට ද අමෙරිකාව අනතුරු අඟවා ඇතැයි විදෙස් මාධ්‍ය වාර්තා කළේ ය.

• වියලි කාලගුණයෙන් ලක්ෂ 4 කට අධික පිරිසකට පීඩා…
• කොළඹ චීන අවන්හලකදී වීසා නොමැතිව සිටි චීන ජාතිකයින් දෙදෙනෙක් කොටුවෙති
• 21 ප්‍රහාරය නව මුහුණුවරක් ගත් ත්‍රස්ත අවදානමක් පිළිබඳ ඉඟි කරනවා – නේපාලය
• පළාත් සභා ඡන්දය කඩිනම් කරන්නැයි ඉල්ලා ගොනු කළ පෙත්සම් විභාගයට
• බුද්ධි අංශ නිලධාරියෙකු ලෙස පෙනී සිට මුදල් වංචා කළ අයෙක් අත්අඩංගුවට
• ජනපති ට්‍රම්ප්ගේ නමින් ඊශ්‍රායාලයේ ජනාවාසයක්
• හෙරොයින් ජාවාරම්කරුවෙකුට ජීවිතාන්තය දක්වා සිර දඬුවම්
• මිහින්තලේ ප්‍රා. සභා මන්ත්‍රීවරයකු අත්අඩංගුවට
• ශ්‍රී ලනිප – පොහොට්ටු සාකච්ඡා කල්යයි
• පොලිස් විශේෂ කාර්ය බලකාය බෙලිහුල්ඔයදී සමාජ මාධ්‍ය මිතුරු සාදයක් වටලයි