ගම්පොළ ශාන්ත ජෝසප් බාලිකා විද්‍යාලයෙන් ටී 56 උණ්ඩ 200ක් සොයා ගැනේ

COLOMBO (News 1st) - රට පුරා සිදු කෙරෙන සෝදිසි මෙහෙයුම් හේතුවෙන් කිසියම් පුද්ගලයෙකු විද්‍යාල පරිශ්‍රයට විසි කර ගිය බවට සැලකෙන උණ්ඩ තොගයක් අද ගම්පොළ ශාන්ත ජෝසප් බාලිකා විද්‍යාලයෙන් හමු විය. රට පුරා පාසල් පරිශ්‍ර සෝදිසි කිරීමේ ක්‍රියාන්විතය යටතේ අද ගම්පොළ ශාන්ත ජෝසප් බාලිකා විද්‍යාලය ද පරීක්ෂාවට ලක් කෙරිණි. එහිදී විද්‍යාලය තුළ විද්‍යාලයේ තාප්පය ආසන්නයේ තිබී ටී 56 උණ්ඩ 200ක් ඇතුළු උණ්ඩ තොගයක් හමු විය. සිද්ධිය සම්බන්ධයෙන් මේ වන විට විමර්ශන ආරම්භ කර ඇති අතර, පොලීසිය සැක පළ කරන්නේ කිසියම් පුද්ගලයෙකු සෝදිසි මෙහෙයුම්වලින් බේරීමේ අරමුණින් මෙම උණ්ඩ තොගය මාර්ගයේ සිට පාසල් පරිශ්‍රය තුළට විසි කරන්නට ඇති බව ය.