සබරගමුව, මධ්‍යම, බස්නාහිරට අකුණු සහිත මහ වැසි

COLOMBO (News 1st) : සබරගමුව, මධ්‍යම, බස්නාහිර පළාත්වලත් , ගාල්ල , මාතර සහ කුරුණෑගල දිස්ත්‍රික්කවල ඇතැම් ස්ථානවලට ගිඟුරුම් සහිත වැසි සමග ප්‍රබල අකුණු ඇති විය හැකි බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කළේ, ඇතැම් ස්ථානවලට මිලිමිටර් 100 ඉක්ම වූ තද වැසි ඇතිවිය හැකි බවයි. ගිඟුරුම් සහිත වැසි සමග පැයට කිලෝමිටර් 70-80 ක පමණ කෙටි කාලීන තද සුළං ද ඇතිවිය හැකියි. අකුණු සහ ගිඟුරුම් සහිත වැසි පවතින අවස්ථාවල ආරක්ෂිත පියවර අනුගමනය කරන ලෙස කාලගුණ විද්‍යා දෙපාර්තමේන්තුව ජනතාවට දැනුම් දෙයි.