නාගානන්ද කොඩිතුවක්කුගේ නීතිඥභාවය අහෝසියි

COLOMBO (News 1st) : නීතිඥ නාගානන්ද කොඩිතුවක්කු මහතාගේ නීතිඥභාවය වසර 03 කට අහෝසි කිරීමට ශ්‍රේෂ්ඨාධිකරණය අද නියෝග කර තිබේ.

ඒ, එවකට අභියාචනාධිකරණයේ සභාපති විනිසුරුවරයා ලෙස කටයුතු කළ විජිත් මලල්ගොඩ මහතා ඉදිරියේ පැවති නඩු විභාගයකදී නීතිඥ වෘත්තියට නොගැලපෙන අයුරින් කරුණු දැක්වීමෙන් ශ්‍රේෂ්ඨාධිකරණ රීතින් දෙකක් උල්ලංඝණය කිරීමේ චෝදනාවකට වරදකරු කරමිනි. විජිත් මලල්ගොඩ මහතා විසින් කරනු ලැබූ පැමිණිල්ලක් අනුව නාගානන්ද කොඩිතුවක්කු මහතාට එරෙහිව සාක්ෂි විභාගයක් පැවැත් වූ ශ්‍රේෂ්ඨාධිකරණය රීතින් 60 සහ 61 යන වගන්ති උල්ලංඝණය කිරීමේ චෝදනාවට නාගානන්ද කොඩිතුවක්කු මහතා වරදකරු කරනු ලැබුවේය. අගවිනිසුරු නලීන් පෙරේරා, සිසිර ද ආබෲ සහ ප්‍රසන්න ජයවර්ධන යන ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල හමුවේ එම නඩුව විභාග කෙරුණි.