රු. කෝටි 7කට අධික කොකේන් සමග විදේශිකයෙකු කටුනායකදී අත්අඩංගුවට

COLOMBO (News 1st) - කොකේන් කිලෝග්‍රෑම් 5කට අධික ප්‍රමාණයක් සමග බොලිවියානු ජාතිකයෙකු කටුනායක ජාත්‍යන්තර ගුවන්තොටුපොළේදී අත්අඩංගුවට ගෙන තිබේ. රේගු මාධ්‍ය ප්‍රකාශක සුනිල් ජයරත්න මහතා ප්‍රකාශ කළේ, ඒවායේ වටිනාකම රුපියල් කෝටි 7 හමාරකට අධික බවට ගණන් බලා ඇති බව ය. සැකකරු බ්‍රසීලයේ සිට ඉන්දියාවේ නව දිල්ලි නුවර හරහා අද පස්වරුවේ මෙරටට පැමිණ තිබේ. 60 හැවිරිදි සැකකරු සිය ගමන් මලුවල සූක්ෂ්ම ලෙස සඟවා මෙම කොකේන් තොගය මෙරටට ගෙනවිත් ඇතැයි මූලික පරීක්ෂණවලදී තහවුරු වූ බව සුනිල් ජයරත්න මහතා ප්‍රකාශ කළේ ය.