පහළ කඩුගන්නාවේදී බස් රථයක් පෙරළීමෙන් 30කට තුවාල

COLOMBO (News 1st) - පහළ කඩුගන්නාව අම්බලම ප්‍රදේශයේදි බස් රථයක් මාර්ගයෙන් ඉවතට පැන පෙරළීමෙන් පුද්ගලයින් 30 දෙනෙකුට අධික පිරිසක් තුවාල ලබා තිබේ. පොලිස් මාධ්‍ය ඒකකය සඳහන් කළේ, අඩ්ඩාලච්චේනේ ගුරු විද්‍යාලයේ පිරිසක් විනෝද චාරිකාවක් යමින් සිටි බස් රථයක් අද රාත්‍රී 9.15 ට පමණ මෙලෙස අනතුරට ලක්ව ඇති බව ය. තුවල ලැබූවන් අතර බස් රථයේ රියැදුරා ද වේ. ඔවුන් මාවනැල්ල රෝහලට ඇතුළත් කර ඇති බව පොලීසිය සඳහන් කළේ ය. බස් රථය රියැදුරාට පාලනය කර ගැනීමට නොහැකි වීම අනතුරට හේතු වන්නට ඇතැයි පොලීසිය සැක පළ කරයි.