ජීවන වියදම ඉහළ ගිය අයවැයක් - විපක්ෂයෙන් චෝදනා

COLOMBO (News 1st) - මුදල් අමාත්‍යවරයාගේ අයවැය කතාවෙන් පසුව පක්ෂ විපක්ෂ මැති ඇමතිවරු පාර්ලිමේන්තු සංකීර්ණයේදී ඒ සම්බන්ධයෙන් ප්‍රතිචාර දැක්වූහ. මෙහිදී අදහස් දැක්වූ විපක්ෂ නායක මහින්ද රාජපක්ෂ මහතා පැවසුවේ, මෙවර අයවැය තුළින් ජීවන වියදම වැඩි වන බව ය. දිගු කාලීන ලෙස අනුගමනය කරන ලද විනාශකාරී ආර්ථික ප්‍රතිපත්තියේ දිගුවක් ලෙස මෙවර අයවැය ඉදිරිපත් කර ඇති බව ජනතා විමුක්ති පෙරමුණේ පාර්ලිමේන්තු මන්ත්‍රී අනුර කුමාර දිසානායක මහතා පවසයි. අනුර කුමාර දිසානායක මහතා පවසන්නේ, අයවැයට එරෙහිව ජනතා විමුක්ති පෙරමුණ ඡන්දය භාවිත කරන බව ය.