ඉන්දීය මැතිවරණ කොමසාරිස් අද ජම්මු-කාෂ්මීරයට යයි

COLOMBO (News 1st) : ඉන්දීය මැතිවරණ කොමසාරිස් සුනිල් අරෝරා දෙදින නිල සංචාරයක් සඳහා උතුරු ඉන්දියාවේ ජම්මු - කාෂ්මීර ප්‍රදේශයට අද පැමිණීමට නියමිත ය. විදෙස් මාධ්‍ය වාර්තා කළේ, ලොක් සභා සහා තේරීම් කාරක සභා මැතිවරණයේ මූලික කටයුතුවල සූදානම පිළිබඳ සොයා බැලීමට කොමසාරිස්වරයා මෙම සංචාරයේ නිරත වන බවයි. එළඹෙන අප්‍රේල් සහ මැයි මාසවලදී ලොක් සභා සහ තේරීම් කාරක සභා ඡන්ද විමසීම පැවැත්වීමට නියමිත ය. පකිස්තාන දේශසීමාව ආසන්නයේ පිහිටි ජම්මු - කාෂ්මීර ප්‍රදේශය ආශ්‍රිතව මේ දිනවල පවතින අර්බුදකාරී වාතාවරණය තුළ ඉන්දීය මැතිවරණ කොමසාරිස්වරයා මෙම සංචාරයේ නිරත වීම බොහෝ දෙනෙකුගේ දැඩි අවධානයට හේතු වී තිබේ.