ප්‍රමිතියෙන් තොර පොල් තෙල් විකුණූ 62කට නඩු

ප්‍රමිතියෙන් තොර පොල් තෙල් විකුණූ 62කට නඩු

ප්‍රමිතියෙන් තොර පොල් තෙල් විකුණූ 62කට නඩු

කර්තෘ Staff writer

04 Mar, 2019 | 11:16 am

ප්‍රමිතියෙන් තොර පොල් තෙල් නිෂ්පාදනය සහ අලෙවි කිරීම සම්බන්ධයෙන් පුද්ගලයින් 62 දෙනෙකුට නඩු පැවරූ බව මහජන සෞඛ්‍ය පරීක්ෂකවරුන්ගේ සංගමය පවසයි.

එහි ලේකම් මහේන්ද්‍ර බාලසූරිය මහතා සඳහන් කළේ, ප්‍රමිතියෙන් තොර පොල් තෙල් සොයා දීප ව්‍යාප්තව කළ වැටලීමකින් පසු එම තීරණය ගත් බවයි.

පසුගිය 18 වනදා සිට 28 වනදා දක්වා දිවයින පුරා මෙම මෙහෙයුම ක්‍රියාත්මක කෙරිණ.

ප්‍රමිතියෙන් තොර පොල් තෙල් වෙළඳපොළේ පවතින බවට ලද පැමිණිලි හේතුවෙන් දීප ව්‍යාප්තව පොල්තෙල් නිෂ්පාදානාගාර සහ අලෙවි සැල් සොයා මෙම මෙහෙයුම ක්‍රියාත්මක කළ බව මහේන්ද්‍ර බාලසූරිය මහතා ප්‍රකාශ කළේ ය.